web counter
LEXO PA REKLAMA!

SHKARKO APP

App Store
Google Play

E fundit!

x

EKSKLUZIVE/ SPAK: Hetimet për inceneratorët vazhdojnë me fakte, prova dhe persona të tjerë nën hetim

11 Dhjetor 2023, 14:34, Aktualitet CNA
EKSKLUZIVE/ SPAK: Hetimet për inceneratorët vazhdojnë me fakte,
SPAK

Ditën e premte, pas kërkesës së prokurorit Dritan Prençi, Gjykata vendosi që të ndaloheshin 15 persona në lidhje me aferën e inceneratorit të Tiranës, midis tyre dy drejtorë të rëndësishëm të kryebashkiakut Erion Veliaj.

Politika dhe mediat duken të pikëpyetje. Ka pakënaqësi. Nuk mjaftojnë këta emra. Opozita kërkon të shkohet te kryebashkiaku Veliaj dhe te kryeministri.

Një pjesë tjetër e njerëzve besojnë se çështja është mbyllur dhe i është vënë kapaku deri këtu dhe të tjerë që shpresojnë që të ketë ndryshime pozitive në lidhje me hetimet e SPAK-ut apo të fundit ata që kërkojnë të shpëtojnë dhe historia të mbyllet sa më shpejt.

Sipas të dhënave zyrtare dhe burimeve që ka siguruar sot CNA, hetimet nuk janë mbyllur.

Një burim zyrtar i tha CNA se hetimet për inceneratorët vazhdojnë me emra të tjerë të përfshirë në hetim me fakte dhe dokumente të tjera që po verifikohen.

Ajo që ka ndodhur të premten është hapi i parë i pjesës së parë të dosjes së hetimeve për inceneratorët dhe po të shihet janë të gjitha veprimet procedurale deri në vitin 2017.

Ndërkohë i njëjti burim i tha CNA se ka shumë emra në hetim dhe hetimet vazhdojnë dhe po thellohen me verifikime dokumentesh me fakte dhe prova për të faktuar çdo akuzë ndaj çdo personi të përfshirë në aferën e inceneratorëve./ CNA





Lajmet e fundit nga