web counter
LEXO PA REKLAMA!

SHKARKO APP

App Store
Google Play

E fundit!

x

Janë shpërdoruar 130 milionë euro/ Veliaj çon çdo muaj para tek inceneratori

11 Dhjetor 2023, 10:41, Aktualitet CNA
Janë shpërdoruar 130 milionë euro/ Veliaj çon çdo
Erion Veliaj

Ish-deputeti dhe anëtari i Kryesisë së PD-së, Belind Këlliçi, ka folur për aferën e inceneratorëve duke drejtuar gishtin ndaj kryebashkiakut Erion Veliaj.

Këlliçi është shprehur se paratë që janë marrë nga taksapaguesit shqiptarë për inceneratorin që nuk ekziston, janë nxjerrë me çanta jashtë Shqipërisë.

Po me këto para Këlliçi nënvizon se janë paguar edhe mediat, të cilat janë paguar për të mos bërë asnjë lajm negativ për inceneratorët.

Gjithashtu, anëtari i Kryesisë së PD-së, theksoi se pagesat për inceneratorin e Tiranës, që nuk ekziston, vijojnë dhe çdo muaj sipas Këlliçit, Veliaj çon para tek inceneratori.

Ai tha se deri më tani janë shpërdoruar 130 milionë euro dhe në Tiranë nuk ka incenerator.

“Ku kanë shkuar paratë?

I kanë nxjerrë paratë me çanta jashtë Shqipërisë.

Këto para janë përdorur edhe për të paguar mediat. Ky është rasti dhe i Bollino-s kur publikova faturat. Paguhen, marrin para, kanë pasur kontratë për të mos bërë asnjë lajm negativ për inceneratorët. Kanë hapur portale që shantazhojnë.

Pagesat vazhdojnë në mënyrë të rregullt pa humbur asnjë ditë. Vazhdojnë të paguajnë para në kompaninë mëmë në Holandë.

Tani që po flasim, Veliaj çdo muaj çon para tek inceneratori.

Deri tani janë shpërdoruar 130 milionë euro.

Pas deklaratave jam paditur tri herë nga Mirel Mërtiri për shpifje. Kur po afrohej seanca gjyqësore u shpall në kërkim ndërkombëtar. Nuk kanë reshtur baltosjet, shpifjet, akuzat e të tjera. Të gjitha këto mënyra për të më ndaluar për të folur”, tha Këlliçi./ CNA





Lajmet e fundit nga