web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Tiranës/ Këlliçi: Bashkia nën hetim, SPAK në udhëkryq dhe mediat në heshtje

10 Dhjetor 2023, 15:06, Aktualitet CNA
Inceneratori i Tiranës/ Këlliçi: Bashkia nën hetim, SPAK
Belind Kelliçi, ish-deputet

Ish-deputeti dhe anëtari i Kryesisë së Partisë Demokratike, Belind Këlliçi, ka komentuar dhe evidentuar mungesën e reagimit të mediave në raportimin e aferës së inceneratorëve ku thekson se është një censurë mbytëse e financuar frikshëm me paratë e inceneratorëve.

Këlliçi nënvizon edhe njëherë se Bashkia Tiranë dhe kryebashkiaku Erion Veliaj janë përfituesit realë të inceneratorit të Tiranës.

Ish-deputeti deklaron se shqyrtimi i detajuar i vendimit gjyqësor dhe shkresave të Ministrisë së Infrastrukturës si dhe Administratorit Shtetëror, tregon qartë lidhjet korruptive dhe manipulimin e dokumentacionit nga ana e Bashkisë Tiranë.

Po ashtu mosfunksionimi i Njësisë së Zbatimit të Projektit dhe bllokimi i komunikimit nga Bashkia Tiranë shfaqin dështimin strukturor të monitorimit të inceneratorit.

Këlliçi i bën thirrje SPAK të intensifikojë dhe të marrë seriozisht hetimin për të zbuluar se kush janë përgjegjësit e vërtetë dhe të godasë përfituesit realë të kësaj skeme mafioze.

“Mungesa e medias në raportimin e kësaj ngjarjeje tregon hapur censurën mbytëse, të financuar frikshëm me paratë e inceneratorëve.

Sa prej mediave flasin sot për inceneratorin e Tiranës?

Bashkia Tiranë dhe Erion Veliaj janë përfituesit realë të inceneratorit, ndërsa SPAK i ka ndërmarrë masat e ndalimit 5 muaj me vonesë.

Një shqyrtim i detajuar i vendimit gjyqësor dhe shkresave të Ministrisë së Infrastrukturës si dhe Administratorit Shtetëror, tregon qartë lidhjet korruptive dhe manipulimin e dokumentacionit nga ana e Bashkisë Tiranë.

Mosfunksionimi i Njesisë së Zbatimit të Projektit dhe bllokimi i komunikimit nga Bashkia Tiranë shfaqin dështimin strukturor të monitorimit të inceneratorit.

SPAK duhet të intensifikojë dhe ta marë seriozisht hetimin, për zbuluar përgjegjësit e vërtetë dhe të godasë përfituesit realë në këtë skemë mafioze korruptive”, shkruan Këlliçi./ CNA





Lajmet e fundit nga