web counter
LEXO PA REKLAMA!

SHKARKO APP

App Store
Google Play

E fundit!

x

Djegësi i Tiranës, kostum i “qepur” për Zoton e Mërtirin!

9 Dhjetor 2023, 22:36, Aktualitet CNA
Djegësi i Tiranës, kostum i “qepur” për Zoton e
Mirel Mertiri dhe Klodian Zoto

Kreu i FRPD-së, Besart Xhaferri ka reaguar në lidhje me zhvillimet e fundit, lëshimin e urdhër-arresteve të SPAK për inceneratorin e Tiranës dhe dosjen hetimore.

Xhaferri është shprehur se dosja vërtetoi se i gjithë shteti u vendos në shërbim të Klodian Zotos dhe Mirel Mërtirit për të finalizuar koncesionin.

Kreu i FRPD-së shkruan se, SPAK përveç Zotos e Mërtirit, duhet të shkojë tek përfituesit real të kësaj mega-afere, të cilët Arben Ahmetaj i ka bërë të qartë në dëshminë e tij në SPAK dhe ata nuk janë as Koka, as Bllako as Tusha dhe as Simixhiu.

“Ndonëse hetimet e SPAK për aferën e inceneratorëve janë të copëzuara dhe selektive në raport me zyrtarët nën hetim, ku Rama, Veliaj, Agaçi dhe Metani janë të paprekshëm, dosja e djegësit të Tiranës faktoi edhe njëherë se si i gjithë shteti u vendos në shërbim të Klodian Zotos dhe Mirel Mërtirit për të finalizuar këtë koncension që do t'u kushtojë shqiptarëve 1 miliard euro.

Së bashku me eksponentë të tjerë të opozitës por edhe KLSH  kemi denoncuar se tarifa e depozitimit të mbetjeve në Sharrë 29 Euro/ton është e fryrë fiktivisht, por nga  leximi që i bëra dosjes rezulton se kjo është vetëm maja e ajsbegut të  kësaj afere  korruptive.

Punonjësit e administratës dhanë fillimisht një bonus 8% për “Integrated Energy B.V SPV”, bonus që u miratua nga qeveria  me kërkesë të Edi Ramës me të vetmin kusht që kompania të merrte pjesë në garë.

Anëtarët e Komisionit të Vlerësimit të Ofertave me punonjësit e firmës së Zotos e Mërtirit kanë operuar si një trup i vetëm për të shpallur fituesin e paracaktuar, pasi kompania private ka qenë në dijeni të të gjitha kritereve para se të niste çdo procedure shtetërore.

Minstrja Felaj e ka njoftuar Kryeministrin Rama se firma që do ndërtonte këtë koncension dhe do ndërtonte djegësin nuk ishte e regjistruar në QKB, por kjo nuk e pengoi Ramën ti jepte bekimin këtij koncensioni.

Kompania fituese nga ana tjetër nuk i ka kursyer në fryrje zërat e shërbimeve dhe skemave mashtruese financiare, duke i shkaktuar buxhetit një dëm të konsiderueshëm.

SPAK veç Zotos e Mërtirit duhet të shkojë tek përfituesit real të kësaj mega-afere, të cilët Arben Ahmetaj i ka bërë të qartë në dëshminë e tij në SPAK dhe ata nuk janë as Koka, as Bllako as Tusha dhe as Simixhiu”, shkruan Besart Xhaferri./ CNA





Lajmet e fundit nga