web counter
LEXO PA REKLAMA!

SHKARKO APP

App Store
Google Play

E fundit!

x

Stuhia e SPAK rrëzon të paprekshmit, persona të tjerë nën hetim për inceneratorët

9 Dhjetor 2023, 16:14, Aktualitet CNA

Stuhia e SPAK rrëzon të paprekshmit, persona të tjerë

Pas lëshimit të 15 urdhër-arresteve për aferën e inceneratorit të Tiranës, burime për CNA bëjnë me dije se, stuhia nuk do të ndalet, por do të përfshijë dhe persona të tjerë.

Me vënien në pranga të disa drejtorëve dhe zyrtarëve të Bashkisë së Tiranë, u rrëzua miti për të paprekshmit.

Por afera nuk mund të mbyllet me disa të arrestuar, pasi ka dhe shumë persona të tjerë të përfshirë në këtë vorbull.

Burime për CNA, mëson se në këtë zullum janë përfshirë edhe mediat, të cilat janë paguar me miliona euro nga kompanitë e inceneratorit të Tiranës.

Beteja do të jetë e ashpër. SPAK nuk po ndalet me hetimet. Kjo çështje nuk do të mbyllet dhe nuk mund të mbyllet vetëm me disa drejtorë të arrestuar.

Në njoftimin më herët, SPAK konfirmoi çdo denoncim, prova dhe fakte duke renditur shkeljet e kryera në kontratën koncesionare.

Një ditë më parë,  CNA mësoi se në prangat e policisë kanë rënë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Ndërkohë në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Akuza për aferën në Tiranë rëndojnë edhe ndaj ish-ministrit të Mjedisit Lefter Koka dhe ish-sekretarit të tij Alqi Bllako të cilët aktualisht ndodhen në burg.

Urdhër-arreste u lëshuan edhe për bosët e inceneratorëve dhe trurin e tij Mirel Mërtirin dhe bashkëpunëtorin Klodian Zoto, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Urdhër-arrestet u firmosën nga prokurori Dritan Prençi, i cili ndoqi hetimet për këtë aferë./ CNA

 





Lajmet e fundit nga