web counter
LEXO PA REKLAMA!

SHKARKO APP

App Store
Google Play

E fundit!

x

Drejtorë, në rrjetën e SPAK për djegësin e Tiranës/ Me firmat “fap e paf” kanë vjedhur taksat e shqiptarëve

9 Dhjetor 2023, 17:28, Aktualitet CNA

Drejtorë, në rrjetën e SPAK për djegësin e

Ish-kryeministri Sali Berisha ka komentuar arrestimet e zyrtarëve dhe drejtorëve të rëndësishëm të Bashkisë së Tiranës për aferën e inceneratorit të Tiranës.

Berisha e ka quajtur këtë një organizatë kriminale dhe ajo që kanë kryer është një vepër penale.

Ish-kryeministri nënvizon se me firmat kanë vjedhur taksat e shqiptaraëve.

“Ju dëgjuat se si janë lëshuar fletë arresti për 15 vetë, që të gjithë për djegësit. Në të gjithë jurisprudencën e planetit, përveçse në drejtësinë e partisë së Edi Ramës, ky quhet grup ose organizatë kriminale.

Kur tre vetë ose më shumë, bashkëpunojnë në një vepër penale, konsiderohet automatikisht grup ose organizatë kriminale.16 janë arrestuar. As grup, as organizatë. Po pse? Sepse grupi dhe organizata janë gjithmonë me një krye. E kanë kreun. Dhe këtu kreu është Edi Rama dhë askush tjetër. Me dokumente dhe firma.

Është Edi Rama dhe ata nuk guxojnë të flasin për organizatë kriminale për vjedhjen e shekullit.
Ky Taulanti thonë keqinformoi qeverinë. Edi Rama e kishte në tavolinë njoftimin se Ermonela Felaj i thoshte se kompania që po i japim bonusin prej 8 përqind, nuk ekziston.

Por në fakt kompania ekzistonte në kokën e Edi Ramës. Se ishte kompania e tij dhe Erion Veliajt.

Ndryshe nuk do ndodhte kurrë që kryeministri të firmoste për t’i dhënë bonusin një kompanie që do themelohej 8 muaj më pas. Dhe tani, fajin e ka Taulanti, drejtori.
Ç’faj ka drejtori? Kjo është kompania e kryeministrit.

Me firmat fap fap e paf paf paf kanë vjedhur nga taksat tuaja por ne do vazhdojmë betejën të palëkundur. Po bëjmë gjithçka për të përmbysur një diktaturë dhe një pushtet të përqëndruar në duart e një njeriu", tha ndër të tjera Berisha./ CNA





Lajmet e fundit nga