web counter
LEXO PA REKLAMA!

SHKARKO APP

App Store
Google Play

E fundit!

x

Rama “rreh” gjoksin, Reformën në Drejtësi e bëri PS/ Shuplaka e ambasadës së SHBA-së

11 Dhjetor 2023, 09:56, Aktualitet CNA
Rama “rreh” gjoksin, Reformën në Drejtësi e bëri
Kryeministri Edi Rama

Kryeministri Edi Rama, në daljet e tij publike, e ka quajtur Reformën në Drejtësi si produkt të Partisë Socialiste.

Në Asamblenë e PS-së në Shkodër, të mbajtur pak ditë më parë, Rama deklaroi se drejtësinë e bën PS dhe jo ndërkombëtarët.

Pas deklaratave ka pasur një reagim nga i ngarkuari me punë i ambasadës së SHBA-së në Tiranë, David Wisner, i cili është shprehur për mediat se SHBA ka investuar fort në suksesin e Reformave në Drejtësi të Shqipërisë, përfshirë SPAK-un, përmes ekspertizës, financimit dhe mbështetjes së tyre politike.

Wisner theksoi se SHBA mbështesin punën e SPAK-ut dhe institucioneve të tjera të drejtësisë dhe do të vazhdojnë të mbështesin kërkesat e popullit shqiptar për t’i dhënë fund pandëshkueshmërisë.

“Shtetet e Bashkuara janë krenare të mbështesin punën e SPAK-ut dhe institucioneve të tjera të drejtësisë dhe do të vazhdojmë të mbështesim kërkesat e popullit shqiptar për t’i dhënë fund pandëshkueshmërisë. Siç e vërejta, kemi investuar fort në suksesin e reformave në drejtësi të Shqipërisë, përfshi SPAK-un, përmes ekspertizës, financimit dhe mbështetjes sonë politike. Jemi krenarë të jemi partnerë me Shqipërinë. Çdo shqiptar meriton të jetojë në një vend ku secili është i barabartë përpara ligjit, ku shteti ligjor funksionon dhe ku secili ka një mundësi të barabartë për begati. Jo vetëm sepse e kërkon e ardhmja euro-atlantike e Shqipërisë, por sepse është gjëja e duhur”, tha diplomati.

Kryeministrit duket i shqetësuar për presionin që ushtrojnë ndërkombëtarët për të pasur standarde në këtë reformë, standarde që trondisin Ramën e kabinetin e tij./ CNA

 





Lajmet e fundit nga