web counter
LEXO PA REKLAMA!

SHKARKO APP

App Store
Google Play

Ambasada e SHBA-së mbështet Dumanin dhe SPAK-un

11 Dhjetor 2023, 09:11, Aktualitet CNA
Ambasada e SHBA-së mbështet Dumanin dhe SPAK-un
Altin Dumani, kreu i SPAK-ut

Ambasada e Shteteve të Bashkuara të Amerikës në Tiranë ka mbështetur kreun e SPAK-ut, Altin Dumanin, dhe hetimet e Prokurorisë së Posaçme në luftën kundër korrupsionit, ku së fundi janë lëshuar urdhër-arreste për aferën e inceneratorit të Tiranës.

I ngarkuari me punë në ambasadën e SHBA-së në Tiranë, David Wisner, është shprehur se Shqipëria ka bërë përparime në luftën kundër korrupsionit.

Wisner, gjatë një interviste për mediat, thotë se Shqipëria ka mbështetje në Reformën në Drejtësi.

“Mendoj se SPAK-ut i takon një meritë shumë e madhe për përpjekjet e tij. Provat janë te rezultatet. Po shohim më shumë dënime, më shumë sekuestrime, më shumë konfiskime, më shumë hetime dhe më shumë bashkëpunim ndërkombëtar në fushën e zbatimit të ligjit, çka do të thotë se SPAK-u po zhvillon reputacionin si organ serioz, i besueshëm, ligjzbatimi me të cilin vendet e tjera mund të hyjnë në partneritet për të luftuar krimin e organizuar ndërkombëtar dhe korrupsionin. Partnerët amerikanë dhe të tjerë ndërkombëtarë po rrisin bashkëpunimin me Shqipërinë si rezultat i kësaj. Kur njerëzit që kryejnë korrupsion si dhe figurat e krimit të organizuar hetohen, ngrihet padi kundër tyre, arrestohen, dënohen – këto tregojnë se ditët e pandëshkueshmërisë po i afrohen fundit. Po ashtu, u dërgohet një mesazh edhe aktorëve të tjerë të korruptuar”, është shprehur Wisner./ CNA





Lajmet e fundit nga