web counter
LEXO PA REKLAMA!

SHKARKO APP

App Store
Google Play

Dosja e SPAK për inceneratorin e Tiranës/ Korrrupsioni i zyrtarëve, bashkëpunimi me Zoton dhe Mërtirin

10 Dhjetor 2023, 18:46, Aktualitet CNA

Dosja e SPAK për inceneratorin e Tiranës/ Korrrupsioni i

3 ditë më parë, në 7 dhjetor, Gjykata e Posaçme ndërmori hapa konkretë për aferën në inceneratorin e Tiranës, duke dërguar në pranga disa zyrtarë.

CNA ka zbardhur dosjen e plotë, ku shtrohen gjetjet e Prokurorisë së Posaçme dhe gjykatësja Irena Gjoka jep 9 masa arresti me burg dhe 6 masa arresti shtëpiak.

Kokat e aferës së inceneratorëve, Klodian Zoto dhe Mirel Mërtiri ndodhen në arrati, ndërsa në pranga u vunë zyrtarë të Bashkisë së Tiranës dhe një nga drejtorët më të rëndësishëm të Erion Veliajt, Taulant Tusha.

Konkretisht, në prangat e policisë kanë rënë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Ndërkohë në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Akuza për aferën në Tiranë rëndojnë edhe ndaj ish-ministrit të Mjedisit Lefter Koka dhe ish-sekretarit të tij Alqi Bllako të cilët aktualisht ndodhen në burg.

Urdhër-arreste u lëshuan edhe për bosët e inceneratorëve dhe trurin e tij Mirel Mërtiri dhe bashkëpunëtorin Klodian Zoto, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Megjithatë, CNA ka raportuar se stuhia nuk do të ndalet, por do të përfshijë dhe persona të tjerë, kryesisht edhe nga mediat.

Këta të fundit janë paguar prej vitesh nga njerëzit e inceneratorëve dhe në biznes-plan nuk janë parashikuar paratë që i janë dhënë mediave për propagandë.

Ndaj personave të sipërpërmendur, të cilët ndodhen nën hetim për aferën 110 milionëshe rëndojnë akuzat e “shpërdorimit të detyrës”, “korrupsionit pasiv të funskionarëve të lartë shtetërorë ose të të zgjedhurve vendorë”, “mashtrimit” me pasoja të rënda dhe “pastrimit të produkteve të veprës penale ose të veprimtarisë kriminale”.

Dosja e SPAK për inceneratorin e Tiranës/ Korrrupsioni i

Nga veprimet hetimore të kryera për këtë procedim penal ka rezultuar se anëtarët e komisionit të dhënies së koncesionit, në bashkëpunim me Lefter Kokën, Alqi Bllakon dhe zyrtarë të tjerë të Ministrisë së Mjedisit kanë vepruar në kundërshtim me ligjin për dhënien e koncesionit.

Zyrtarët kanë ndihmuar kompaninë koncesionare “Integrated Energy BV të pajiset me dokumentacionin e nevojshëm që duhej të dorëzonte në Ministrinë e Mjedisit para dhe gjatë procedurës koncesionare, me qëllim shpalljen fitues të kësaj shoqërie.

Në lidhje me studimin e fizibilitetit, SPAK ka konfimuar se zyrtarët e ministrisë dhe bashkisë së Tiranës kanë marrë të mirëqena kostot e kompanisë së inceneratorëve pa kryer asnjë verifikim në lidhje me vërtetësinë e tyre.

Sipas dosjes, rezulton se Alqi Bllako ka përfituar 119,755 Euro nga Klodian Zoto dhe Mirel Mërtiri, me qëllim favorizimin e kompanisë së tyre gjatë procedurës së dhënies së koncesionit.

SPAK thekson edhe njëherë se Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare, si dhe janë pronarët “de facto” të shoqërisë mëmë të saj, të themeluar në Holandë, “Integrated Energy B.V”, ndryshuar më pas me emrin në “Geogenix B.V”.

Në dosje nuk lihen pa përmendur ndryshimi i pronarëve të kompanisë koncesionare pa miratimin e qeverisë shqiptare, duke shkelur kështu kontratën.

CNA po sjell më poshtë dosjen e plotë të SPAK, ku janë marrë masat për njerëzit e përfshirë në aferën 110 milionë euroshe./ CNA





Lajmet e fundit nga