web counter
LEXO PA REKLAMA!

SHKARKO APP

App Store
Google Play

E fundit!

x

Tetori i SPAK-ut/ Emra të tjerë që po hetohen, nga deputetë, politikanë dhe biznesmenë

26 Tetor 2023, 16:14, Aktualitet CNA
Tetori i SPAK-ut/ Emra të tjerë që po hetohen, nga deputetë,
Foto ilustruese

Ngjarja më e rëndësishme e politikës në këto 30 e ca vite dhe lajmi më i fortë për të nga institucionet e drejtësisë ka qenë kërkesa e bërë nga SPAK-u në gjykatë dhe vendimi i kësaj të fundit për detyrim me paraqitje dhe heqjen e pasaportës për ish-kryeministrin, ish-presidentin e Republikës, Sali Berisha.

Person nën hetim në lidhje me pronat e zhvilluara nga dhëndri i tij Jamarbër Malltezi dhe biznesmeni Fatmir Bektashi.

Tetori i SPAK-ut/ Emra të tjerë që po hetohen, nga deputetë,

CNA shpesh ka raportuar dhe theksuar në lidhje me lajmet që jepen nga SPAK, hetimet që kryhen ka dhe abuzimet pa asnjë diskutim, teprime nga mediat të cilat përpiqen që të marrin flamurin e lajmit të fundit, por në fakt shpesh zhgënjejnë apo manipulojnë me perceptime personale.

Sipas burimeve zyrtare të konfirmuara nga CNA, SPAK ka në hetime mjaft dosje të nxehta,  një nga ato më kryesoret është ajo e ish-ministres Olta Xhaçka në lidhje me pronat e ushtrisë.

Tetori i SPAK-ut/ Emra të tjerë që po hetohen, nga deputetë,

Rasti i fundit në lidhje me një pronë të bashkëshortit të saj nuk ka lidhje me hetimin e parë, por është një tjetër hetim pas kallëzimit të bërë nga kryebashkiaku fitues i zgjedhjeve lokale të Himarës, Fredi Beleri.

Gjithashtu CNA ka mësuar se së shpejti pritet që në parlament të çohet kërkesa për heqjen e imunitetit për shtetasen Monika Kryemadhi, e cila ka qenë në hetim prej disa kohësh.

Në media është raportuar kryesisht çështja e financimeve dhe lobimeve. Gjithashtu po qarkullon teza mediatike, por kjo është e pakonfirmuar se zonja Kryemadhi së bashku me bashkëshortin e saj Ilir Meta janë larguar nga Shqipëria.

CNA ka mësuar se zonja Kryemadhi do të ishte me një delegacion zyrtar i Kuvendit, por nuk ka shkuar me delegacionin zyrtar.

Tetori i SPAK-ut/ Emra të tjerë që po hetohen, nga deputetë,

Një burim zyrtar ka konfirmuar nga SPAK se së shpejti do të ketë veprime konkrete.

Nga ana tjetër një nga dosjet më të forta është ajo e ish-ministrit Ilir Beqaj, i cili është i përfshirë në dy koncesione siç është ai i sterilizimit dhe ai i “check up”-it.

Tetori i SPAK-ut/ Emra të tjerë që po hetohen, nga deputetë,

Gjithashtu vijojnë hetimet për çështjen e inceneratorëve. Por ajo çështje ka ngelur thjesht dhe vetëm në disa nivele të ulëta. Ndërkohë që ende është e paqartë ku po shkon ky hetim.

 

CNA ka mësuar se po thellohen hetimet për çështjen “McGonigal”.

Sot në SPAK u pa Dorian Duçka, shtetasi që ka qenë ish-këshilltari i jashtëm i kryeministri Edi Rama dhe njeriu që dyshohet si lidhja kryesore e këtij të fundit me aferën “Gonigal”, me skandalin që ka plasur me ish-zyrtarin e FBI-së në SHBA.

Tetori i SPAK-ut/ Emra të tjerë që po hetohen, nga deputetë,

Hetime po zhvillohen edhe për ish-ministren e Bujqësisë, Frida Krifca, në lidhje me fondet IPARD. Ka filluar një hetim nga SPAK gjithashtu edhe për shumë çështje të tjertar që kryesisht ndiqen direkt nga seancat gjyqësore.

Tetori i SPAK-ut/ Emra të tjerë që po hetohen, nga deputetë,

Hetime të tjera të thelluara po zhvillohen edhe në lidhje me çështjen “Metamorfoza”, por me të tjera përgjime të servirura nga partnerët ndërkombëtarë pas përgjimeve të bëra dhe çkodimit të Enchrochat dhe aplikacionit SKY.

Pra, SPAK po vazhdon të ecë shpejt me hetimet që lidhen me zyrtarë të lart,  me ministra deri tek ish-presidenti Meta.

Aktualisht çështja e largimit të këtij të fundit nga Shqipëria dhe hetimi nga SPAK për fletëthirrje apo fletëarresti ka ngelur në kuadër të një thashethemi, është ende e pakonfirmuar, por SPAK në fakt ka kryer hetime për financime dhe lobimin e LSI-së.

Tetori i SPAK-ut/ Emra të tjerë që po hetohen, nga deputetë,

Janë një sërë çështjesh mjaft delikate, me personazhe mjaft të rëndësishme të jetës publike ka edhe kryetarë bashkish nën hetim nga SPAK-u për korrupsion, për tenderë dhe duket se ka një situatë mjaft të tensionuar në nivelet politike dhe zyrtarëve të lartë për shkak të hetimeve që po zhvillohen dhe çështjeve që SPAK ka në dorë për personazhe shumë të rëndësishme të politikës.

Tetori për shkak të çështjes që u bë publike ajo e ish-kryeministrit Sali Berisha duket se ka pasur ndjeshmërinë si muaji më i madh dhe me i fortë për SPAK-un.

Ngjarjet të cilat ishin të përfolura më pak dhe priteshin që këto zhvillime të ishin në muajin shtator, por mesa duket hetimet kanë çuar prokurorët e SPAK-ut në shtyrjen e disa afateve dhe në plotësimin e dokumentacioneve dhe tashmë po mbyllet një tetor që do të ketë të tjera lajme dhe një nëntor dhe fundvit me ngjarje të forta për klasën politike, për zyrtarët e shtetit për luftën ndaj korrupsionit dhe që duket se do të tronditë jo pak skenën politike të këtyre 32 viteve./ CNA

 





Lajmet e fundit nga