LEXO PA REKLAMA!

SHKARKO APP

Sekuestrimet e SPAK/ Zëdhënësja e PD-së: Top Inceneratori i financuar nga Zoto dhe Mërtiri disinformon

23 Tetor 2023, 17:31, Aktualitet CNA
Sekuestrimet e SPAK/ Zëdhënësja e PD-së: Top Inceneratori i
Zëdhënësja e Partisë Demokratike, Floriana Garo

Zëdhënësja e Partisë Demokratike, Floriana Garo ka reaguar lidhur me bërjen publike të një lajmi lidhur me sekuestrimin e një vile të ish kryeministrit Berisha në gjirin e Lalzit.

Sipas Garos Top Channel ose sic njihet ndryshe Top Inceneratori për shkak të miliona eurove financime që Zoto dhe Mërtiri i kanë bërë kësaj mediaje dhe pronares së saj, nën diktatin e Ramës dhe mafies së plehrave, disinformon opinionin.

Ajo thotë se lajmi përbën një shpifje amorale qëllimi i të cilës është mashtrimi i opinionit publik për llogari të Ramës dhe ortakëve mafiozë.

“Top Channel ose sic njihet ndryshe Top Inceneratori për shkak të miliona eurove financime që Zoto dhe Mërtiri i kanë bërë kësaj mediaje dhe pronares së saj, nën diktatin e Ramës dhe mafies së plehrave, disinformon opinionin duke njoftuar sekuestrimin e një vile të ish kryeministrit Berisha në gjirin e Lalzit.

Bëjmë me dije se ky është një trillim dhe se z.Berisha nuk disponon asnjë pasuri të paluajtshme në gjirin e Lalzit apo askund tjetër përveç apartamentit të tij në Tiranë!

Lajmi përbën një shpifje amorale qëllimi i të cilës është mashtrimi i opinionit publik për llogari të Ramës dhe ortakëve mafiozë të pronares së kësaj mediaje!”, shkruan garo në një reagim në rrjetet sociale./ CNA

Lajmet e fundit nga