web counter
LEXO PA REKLAMA!

SHKARKO APP

E fundit!

x

Jo vetëm diplomatë amerikanë/ Edhe britanikët, në SPAK për Malltezin

23 Tetor 2023, 12:19, Aktualitet CNA

Jo vetëm diplomatë amerikanë/ Edhe britanikët, në SPAK

Përfaqësues të ambasadës britanike kanë mbërritur mesditën e kësaj të hëne në SPAK.

Raportohet se ata do të marrin pjesë në seancën që do të mbahet për Jamarbër Malltezin, dhëndrin e ish-kryeministrit Sali Berisha dhe ndërtuesin Fatmir Bektashi.

Më herët në SPAK shkuan edhe përfaqësues të ambasadës së SHBA-së.

Malltezi akuzohet për korrupsion pasiv të funksionarëve të lartë shtetërorë dhe pastrim të produkteve të veprës penale në lidhje me privatizimin e kompleksit "Partizani". 

Ish-kryeministri Sali Berisha akuzohet për korrupsion pasiv të funksionarëve të lartë shtetërorë.

GJKKO ka dhënë masën "detyrim paraqitje" edhe për ndërtuesin e Fatmir Bektashi për korrupsion aktiv i funksionarëve të lartë shtetërorë. 

SPAK pretendon se Berisha, në cilësinë e tij si kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA





Lajmet e fundit nga