web counter
LEXO PA REKLAMA!

SHKARKO APP

App Store
Google Play

“Atentat politik ndaj Berishës”, Genc Gjokutaj: Vendimi i marrë ndaj tij nuk është sipas ligjit

22 Tetor 2023, 21:53, Aktualitet CNA
“Atentat politik ndaj Berishës”, Genc Gjokutaj: Vendimi i
Avokati, Genc Gjokutaj

Avokati, Genc Gjokutaj tha se vendimi i marrë ndaj ish-kryeministrit, Sali Berisha nga SPAK është një vendim i cili nuk ëshë marrë sipas ligjit.

Sipas tij Berisha ka disa cilësi brenda vetes dhe ai do të marrë një vendim të tijin në lidhje me ecurinë e çështjes dhe përfaqësimin e saj.

Gjokutaj thotë se të tilla veprime janë skenarë që Shqipëria i ka me bollëk.

“Pasaporta nuk i është marrë, sepse zoti Berisha është informuar në lidhje me këtë procedurë. Një ish-president, ish-kryeministër, deputet i kuvendit, SPAK-u i cakton masë sigurimi duke ju shmangur të gjitha procedurave parlamentare.

Unë si avokat rekomandoj zgjidhjen ligjore. Ju duhet të dini një gjë, zoti Berisha ka disa cilësi brenda vetes dhe ai do të marrë një vendim të tijin në lidhje me ecurinë e çështjes dhe përfaqësimin e saj.

Refuzimi dje ka qenë pjesë e protestës civile dhe morale që ai ka bërë ndaj një vendimi të tillë që nuk është vendim sipas ligjit, por një atentat. Vajtën ata të policisë dje në orën 11 të natës. Duhet të dini se një kontroll banese i një delikuenti, procedura nuk të lejon pas orës 8 të darkës deri në 7 të mëngjesit.

Kjo është frymë ligji që duhet të zbatohet. Kjo nuk është masë arresti që ti ke informacion që ai do iki. Kjo e gjitha u bë pas konferencës për shtyp të Berishës për të treguar forcën. Janë skenarë që Shqipëria i ka me bollëk”,-tha avokati në një inervistë./ CNA





Lajmet e fundit nga