web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për privatizimin e ish-kompleksit "Partizani"/ Malltezi dhe Bektashi, sot para Gjykatës

23 Tetor 2023, 07:16, Aktualitet CNA

Akuzat për privatizimin e ish-kompleksit "Partizani"/ Malltezi

Këtë të hënë, në orën 13:30, do të mbahet seanca në Gjykatën e Posaçme për Jamarbër Malltezin, dhëndrin e ish-kryeministrit Sali Berisha dhe ndërtuesin Fatmir Bektashi.

Trupa gjykuese do të njohë Jamarbër Malltezin dhe Fatmir Bektashin me masën e sigurisë.

Sa i përket Berishës, ndaj të cilit është caktuar masa "detyrim paraqitje", ende nuk dihet se kur do të dalë para gjykatës, kjo për faktin e imunitetit që i jep mandati i deputetit dhe për shkak se Oficeri i Policisë Gjyqësore nuk ka mundur ta vërë në dijeni për akuzën e ngritur ndaj tij.

Berisha dyshohet se ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me Malltezin.

Ky i fundit akuzohet se ka kryer “Korrupsion pasiv të funksionarëve të lartë shtetërore ose të zgjedhurve vendorë”, kryer në bashkëpunim me Berishën.

Gjithashtu, ai dyshohet se në bashkëpunim me ndërtuesin ka konsumuar veprën penale të “Pastrimit të produkteve të veprës penale ose veprimtarisë kriminale”.

Ndërsa Fatmir Bekteshi dyshohet se ai ka konsumuar veprën penale të “Korrupsionit aktiv të funksionarëve të lartë shtetërorë”.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA

 





Lajmet e fundit nga