E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Endri Shabani ia kalon Ngjelës/ "Sali Berishën do ta balsamosin dhe do ta ruajnë"

23 Tetor 2023, 15:31, Aktualitet CNA

Endri Shabani

Ndodh edhe kështu, ku dëgjon gjithçfarë delirantësh që mendojnë se e ardhmja e vendit janë ata dhe se duhet të ikin politikanët sipas dëshirës së tyre që t'u zënë vendin këta.

Këta instrumentët e vegjël delirantë, të paaftë dhe të pazotë që mendojnë se janë shumë të shkolluar, por sjelljen, mentalitetin, artikulimin dhe qëndrimin e kanë marrë, ka ikur, si çdo brez tjetër.

Endri Shabani, në një dalje të tij sot në televizionin "A2" ka thënë se Berisha mund të ruhet dhe balsamoset. Ky ishte fundi i tij politik.

Ai duhet të kishte ikur para dy vjetësh sepse kështu do Endri Shabani, i cili në fakt në atë kohë ka qenë në Aleancën Kuq e Zi të Kreshnik Spahiut dhe mori vota sa një kotec me pula dhe aq ka për të marrë sërish.

Ka aq shumë vota sa nuk mundi dot të hynte në zgjedhje. Por duhet të ikin të gjithë nga politika që të hyjë Endri Shabani dhe të bëhet udhëheqës i madh bashkë me atë lëvizjen e tij të xhepistëve që e ka kthyer në një parti politike me disa hajdutë që strehoheshin në çadrën e Ilir Metrës dhe disa të tjerë në çadrën e Kreshnik Spahiut.

Sot ka lëshuar perlën e radhës, ia ka kaluar avokat Ngjelës dhe thelbi nuk është sa pro apo kundër Berishës je, por këta janë aq "të çmendur”, sa kërkojnë të ikë vetë me qejf e gjithë kasta politike që të vijojnë këta se këta janë e ardhmja.

Në politikë ka kontribute, në politikë ka vota. Kur s’të votojnë se të kuptojnë se çfarë je dhe qytetarët të lexojnë mjaft mirë, ik në shtëpi, sepse nuk përfaqëson asgjë. Kështu është edhe Endri Shabani, nuk përfaqëson asgjë.

Njeriu i vogël i Soros që dështoi tek Aleanca Kuq e Zi dhe është strehuar te një lëvizje e krijuar nga xhepistë dhe hajdutë të LSI-së të kthyer në një lëvizje politike, në një parti politike.

Të gjithë të ikin që të vijë Endri Shabani. Mesa duket Shabani edhe Evi Kokalari do të jenë e ardhmja e ndritur e mëmëdheut tonë, Shqipërisë./ CNA