web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet dëshmia e të moshuarit në SPAK: Kryebashkiaku i Ramës më ofroi ndihmë ekonomike për t'i dhënë votën

24 Tetor 2023, 12:53, Aktualitet CNA

 

Zbardhet dëshmia e të moshuarit në SPAK: Kryebashkiaku i
Klement Ndoni

Prokuroria e Posaçme vijon me hetimet për kryebashkiakun e Këlcyrës, Klement Ndoni, pas denoncimeve për blerje votash. 

Hetimet ndaj Ndonit po zhvillohen nga prokurori Olsi Doda dhe kanë të bëjnë me dyshimet për krime zgjedhore.

Raportohet se është marrë në pyetje një tjetër qytetare nga hetuesit e SPAK-ut, pasi ka dyshime se i është ofruar ryshfet për votuar në favor të kryebashkiakut të majtë. 

Sakaq, të mërkurën e kaluar ai është denoncuar edhe nga një 75-vjeçar, Agim Bakushllari.

Ky i fundit pretendoi se funksionarë vendorë të Bashkisë Këlcyrë, i kanë ofruar ndihmë ekonomike dhe punësim të djalit të papunë në këmbim të votave të familjes së tij në favor të kandidatit socialist për kreun e bashkisë, Klement Ndoni. 

I moshuari ka treguar para hetuesve se episodi kishte ndodhur në zyrat e bashkisë vetëm dy ditë para zgjedhjeve lokale.

Ndoni rezulton që është kallëzuar edhe më parë në prokurori me akuzat për shpërdorim detyre, në disa projekte në qytet apo emërime në sektorin publik. 

Në vitin 2016, ai u akuzua nga Bardhi Nunollari, ish-i dënuar për trafik droge që përmes deklarimeve publike tha se ishte i habitur që kandidonte për postin e kryebashkiakut një person me të cilin kishte trafikuar lëndë narkotike. Kjo akuzë është mohuar nga Ndoni./CNA





Lajmet e fundit nga