web counter
LEXO PA REKLAMA!

SHKARKO APP

App Store
Google Play

"Berishës ia futën zarfin poshtë derës, nuk e prekte njeri me dorë!"/Hoxha zbulon si e solli Berisha "vërdallë" policinë

23 Tetor 2023, 22:03, Aktualitet CNA
"Berishës ia futën zarfin poshtë derës, nuk e prekte
Gazetari, Artan Hoxha

Gazetari, Artan Hoxha tregoi detaje nga përpjekjet  e Policisë së Shtetit për t'i dorëzuar Sali Berishës vendimin e gjykatës për masën e sigurisë "detyrim paraqitje". 

Në emisionin "Të Paekspozuarit" tha se si Berisha dhe familjarët e tij nuk kanë pranuar të marrin dokumentin dhe për këtë arsye policia ka tentuar disa herë, duke u paraqitur në selinë e PD dhe në banesë.

"Dje dhe sot policia ka tentuar disa herë të kontaktojnë Berishën. Kanë vajtur disa herë, hapej dera e shtëpisë dhe askush nuk merrte vendimin. Sot u thirr Rrumbullaku në SPAK, që të gjenin një mënyrë se si ti jepnin vendimin Berishës. Kanë vajtur oficerët sot dhe nuk e merrte askush vendimin. Deri në orën 18:00, policia nuk e ka dorëzuar dot, por e kanë futur në një zarf dhe e kanë futur poshtë derës. Avokati i doktorit, vajti në seancë ndërkohë që Berisha nuk pranon të marrë dijeni për vendimin e gjykatës.”, tha Hoxha.

Ai tregon dhe se ku bie përgjegjësia mbi Sali Berishën për marrjen e pronës nga dhëndri I tij.

“Nëse në orën 14:00 nesër, do të zhvillohet seanca. Besoj se do të shohim edhe avokatët e zotit Berisha, por kjo është situata ku ndodhemi. Fabula deri tani është, akuzohet zoti Berisha për një akuzë, Malltezi për dy dhe Bektashi për dy. Pse Malltezi është vlerësuar me arrest në burg dhe biznesmeni Bektashi për korrupsionin aktiv, është lënë detyrim paraqitje?  Pra, paratë i ka dhënë Bektashi, përfituesi është Malltezi, që i mori paratë sepse ndërhyri te Berisha, i cili duke ndryshuar ligjet, krijoi mundësinë që ajo pronë të kthehej nga pronë shtetërore në truall ndërtimi. Kjo është pak a shumë akuza. Pra Berisha ka përgatitur dhe ndihmuar. Ky objekt me 26 mijë metra, a mund ta merrnin pronarët pa një fuqi madhore dhe ndërhyrje? A do ta merrnin dot? Nëse kjo arrin të provohet se është bërë duke shkelur ligjin siç pretendon SPAK, këtu bie përgjegjësia mbi Sali Berishën, që është ndikuar nga dhëndri i vet për të vënë në lëvizje të gjithë strukturën shtetërore", tha Hoxha. / CNA





Lajmet e fundit nga