web counter
LEXO PA REKLAMA!

SHKARKO APP

App Store
Google Play

Akuzat ndaj Berishës/ Artan Hoxha tregon kush jep autorizim për kontroll në banesën e ish-kryeministrit

23 Tetor 2023, 21:07, Aktualitet CNA
Akuzat ndaj Berishës/ Artan Hoxha tregon kush jep autorizim për
Gazetari, Artan Hoxha

I ftuar në “Top Talk”, gazetari Artan Hoxha tha se që të kontrollohet çdo gjë që Berisha e ka deklaruar si adresë të vetën, përfshirë edhe zyrën e vetë, duhet të merret autorizim nga parlamenti.

“Fakti që sot BKH ka shkuar në vilën e Jamarbër Malltezit në Gjirin e Lalzit, është ajo vila e famshme ku ne kemi parë vitet e fundit që pushon vazhdiomisht në fundjavë Sali Berisha. Ka shkuar në të gjitha pronat që ka gjetur deri tani, sepse ata mund të jenë në kërkim edhe të pronave të tjera. Pra, të jeni të sigurt që këto që janë bërë publike deri më tani, SPAK pretendon që i ka të provuara.  Që të kontrollohet shtëpia e Sali Berishës dhe çdo gjë që është në emër të Sali Berishës…”, u shpreh Hoxha.

Hoxha solli në vemendje dhe raste të tjera ku është dashur që të kryhet kontroll në banesën e zyrtarëve të lartë sin ë rastin e Arben Ahmetajt apo Saimir Tahirit dhe thotë se ja ndodhur vetëm pasi Kuvendi ka lëshuar autorizim.

“Atëherë, që të kontrollohet çdo gjë që Sali Berisha e ka deklaruar si adresë të vetën, përfshirë edhe zyrën e vetë, duhet të merret autorizim nga parlamenti. Ligji e përcakton qartë. Nëse e mbani mend, u kontrollua shtëpia e Saimir Tahirit mbasi lëshoi autorizimin Kuvendi. U kontrollua shtëpia e Arben Ahmetajt po ashtu, pasi lëshoi autorizim Kuvendi. Por pa lëshuar autorizim Kuvendi, vajtën tek shtëpia e ish-bashkëshortes së Arben Ahmetajt. Nëse e mbani mend të shtunën Sali Berisha deklaroi se me urdhër të Prokurores u shkua dhe u mor kompjuteri i Jamarbër Malltezit, apo i një prej kompanive të tij. Pra janë marrë kompjuterat. Prokuroria ka bërë veprime të mëparshme. Berisha tha se është marrë një dosje për të cilën Jamarbër Malltezi ka tentuar të bëjë kallëzim dhe s’mund ta bënte sepse prokurorja kishte sekuestruar dosjen. Të gjitha këto elementë na çojnë në hapin e parë të të gjithë asaj që ka kërkuar gjithë opinioni publik, goditja e të pandëshkueshmëve.”, tha Hoxha./ CNA





Lajmet e fundit nga