web counter
LEXO PA REKLAMA!

SHKARKO APP

App Store
Google Play

E fundit!

x

Balluku jep lajmin: BE do të japë fonde që Shqipëria të eksplorojë mineraret e saj

23 Tetor 2023, 18:39, Aktualitet CNA

Balluku jep lajmin: BE do të japë fonde që Shqipëria të

Zëvendëskryeministrja Belinda Balluku po zhvillon një tryezë diskutimi me ekspertët e fushës minerare në Shqipëri.

Numri dy i qeverisë u shpreh se, ekspertët e minerareve duhet të bashkëpunojnë ngushtë me shtetin dhe duhet të aktivizohen të gjitha njësitë e kërkimit.

Balluku nënvizoi se nëse do të ketë studime serioze mund të tërheqim investitorë të huaj.

“Ekspertët e minerareve të bashkëpunojnë me shtetin, pa ekpseriencën e tyre puna nuk shkon përpara.

Sektori i minerareve duhet të aktivizojë të gjitha njësitë e kërkimit, ndihet domosdoshmëria e tyre. Nëse do të kemi studime serioze për tokën shqiptare, mund të tërheqim investitorët e huaj”, tha Balluku.

Ndër të tjera bëri me dije se Instituti Evropian i Teknologjisë dhe Inovacionit të Lëndëve të Para do të ngrejë në Elbasan një degë rajonale ku BE do të japë fonde që Shqipëria të eksplorojë mineraret që ka në nëntokën e saj.

"Instituti Evropian i Teknologjisë dhe Inovacionit të Lëndëve të Para do të ngrejë në Elbasan një degë rajonale.

Brenda këtij viti do të kemi mundësinë ta inagurojmë në Elbasan Qendrën e Teknologjisë dhe Inovacionit të Lëndëve të Para. BE do të japë fonde që Shqipëria të eksplorojë mineraret që ka në nëntokën e saj”, u shpreh ajo./ CNA





Lajmet e fundit nga