web counter
LEXO PA REKLAMA!

SHKARKO APP

App Store
Google Play

E fundit!

x

Propozime për ndryshim në Kodin Penal/ Veprat penale për të cilat do të ashpërsohen dënimet

24 Tetor 2023, 10:53, Aktualitet CNA

Propozime për ndryshim në Kodin Penal/ Veprat penale për të

Ministri i Brendshëm, Taulant Balla, ka propozuar disa ndryshime në Kodin Penal për paketën e sigurisë në shkolla.

Balla bën të ditur me anë të një statusi në rrjetet sociale disa nga veprat penale për të cilat do të kërkojë ashpërsim të dënimeve.

Këtu përfshihen dhuna seksuale, pornografia, trafikimi i të miturve, armëmbajtja pa leje, prodhimi dhe shitja e narkotikëve, përshtatja e lokalit për përdorim droge, hedhja e shiringave, nxitja e përdorimit të drogës dhe drejtimi i parregullt i automjetit.

Propozime për ndryshim në Kodin Penal/ Veprat penale për të

Deklarata e plotë:

Do të forcojmë me ligj Paketën Sigurisë në Shkolla duke bërë të mundur ashpërsimin e dënimeve të parashikuara në Kodin Penal për veprat penale që kryhen në mjediset e një institucioni arsimor apo në perimetrin e sigurisë së tij. Kryerja e një vepre penale në mjediset e një institucioni arsimor ose në perimetrin e sigurisë së tij të parashikohet si rrethanë rënduese, nëse në dëm të një të mituri, dhe, në çdo rast, si rrethanë cilësuese e figurës së veprave penale të mëposhtme:

• Dhuna seksuale (neni 107/a);

• Pornografia (neni 117);

• Trafikimi i të miturve (neni 128/b);

• Mbajtja pa leje dhe prodhimi i armëve, armëve shpërthyese dhe i municionit (neni 278);

• Prodhimi, mbajtja, blerja apo shitja pa leje e armëve të ftohta (neni 279);

• Prodhimi dhe shitja e narkotikëve (neni 283);

• Përshtatja e lokalit për përdorim droge (neni 285/a);

• Hedhja ose braktisja e shiringave (neni 285/b);

• Nxitja për përdorimin e drogës (neni 286);

• Drejtimi i automjeteve në mënyrë të parregullt (neni 291).

Jam i bindur se këto ndryshime në Kodin Penal do të kontribuojnë në rritjen e sigurisë, parandalimin e kriminalitetit dhe shmangien e rrezikut për jetën dhe shëndetin e fëmijëve dhe të rinjve tanë në të gjitha ato mjedise brenda dhe përreth shkollave të frekuentuara prej tyre./ CNA





Lajmet e fundit nga