web counter
LEXO PA REKLAMA!

SHKARKO APP

App Store
Google Play

“Përpjekje për të likuiduar Berishën”, Flamur Noka: Nëpërmjet Malltezit po goditet opozita

23 Tetor 2023, 22:11, Aktualitet CNA

“Përpjekje për të likuiduar Berishën”, Flamur

Deputeti i Partisë Demokratike, Flamur Noka thotë se përmes  nëpërmejt arrestimit të dhëndrit të ish-kryeministrit Sali Berisha po goditet opozita.

Ai thotë se është një përpjekje e vazhdueshme për të likuiduar Sali Berishën dhe opozitën dhe së fundmi për ta likuiduar atë edhe politikisht pasi Rama u drithërua se opozita do tw zbriste dhe nw bazw.

“Jemi të gjithë këtu dëshmitarë. Është përpjekje e vazhdueshme për të likuiduar Sali Berishën dhe opozitën dhe së fundmi për ta likuiduar atë edhe politikisht dhe për të emëruar mercenaro-opozitën, e cila vetëm të lëpihet dhe të sulmon. Edi Rama nuk mund të pranojë që ia hoqi nga kthetrat opozitën. Ky është një skenar i Edi Ramës. Po të shohësh dosjen nuk ka asnjë provë juridike. E gjithë dosja është hartuar me mllef politik dhe pa asnjë argument dhe provë. Në dosje janë zhdukur prova që dëshmojnë të kundërtën. Janë vendim kolegjiale dhe jo individuale.", tha Noka.

Sipas tij Prokuroria ka hetuar tre vjet këtë dosje.

“VKM-të për bordet e thesarit u nxorën që në vitet 92-94 për të përndjekurit. Malltezi mund të jetë përfituesi i 500-mijtë. Iu kërkoj ndjesë pronarëve që nuk ua kemi kthyer të gjitha pronat dhe sot po u rrëmbehen me VKM për t’ua dhënë investitorëve strategjikë. Prokuroria ka hetuar tre vjet këtë dosje. Taulant Balla doli me ca letra që qeveria i ka shpërblyer këta dhe fliste qëllimisht për fushën e aviacionit dhe jo të sportit. Është ngritur e gjitha false, politike dhe juridike.”, tha Noka.

Sipas Nokës të gjitha këto veprime kanë një synim dhe është Sali Berisha.

“Janë VKM që janë nxjerrë për pronat në Shqipëri. Jamarbër Malltezi është pinjoll i një familje të vjetër tiranase i cili nuk ka arritur të përfitojë as 10% të pronave të tij. Të gjitha këto kanë një synim; është Sali Berisha. Sot janë rrëmbyer prona publike në portin e Durrësit dhe Skapi i partisë ka mbyllur sytë. Burri i ministres bëhet investitor strategjik. Kemi marrë një aksion të ri politik. Përveç bashkim të brendshëm, synimi ishte të zbrisnim në bazë dhe Rama u drithërua”, theksoi ai./ CNA





Lajmet e fundit nga