web counter
LEXO PA REKLAMA!

SHKARKO APP

App Store
Google Play

“SPAK të hetojë për inceneratorët”/ Alizoti: Berishës i kufizohet liria, Ahmetaj u largua me gjysmë miliardë dollarë

24 Tetor 2023, 17:45, Aktualitet CNA
“SPAK të hetojë për inceneratorët”/ Alizoti:
Deputeti i Partisë Demokratike, Tomor Alizoti

Deputeti i Partisë Demokratike, Tomor Alizoti ka folur lidhur me akuzat e bëra nga SPAK për ish-kryeministrin, Sali Berisha.

Ai u shpreh se akuzat synojnë të godasin pluralizmit politik në Shqipëri.

Alizoti  u shpreh për News 24 se dosja hetimore për privatizimin e ish-kompleksit “Partizani”, duket më shumë opinion se me fakte konkrete.

Sipas deputetit SPAK duhej të kishte hetuar portin e Durrësit e vendimet për inceneratorët.

“SPAK duhet të kishte hetuar portin e Durrësit, 17 vendimet për inceneratorët, duhet të kishte marrë nën hetim edhe Teatrin dhe çështjen e Mcgonigal dhe pastaj të dilte tek opozita. Asgjësimi politikisht i figurave të rëndësishme të opozitës rrezikon pluralizmin politik dhe fuqizon mazhorancës. Unë nuk e quaj goditje ndaj Ahmetajt. Si mundet zv/kryeministri me gati gjysmë miliardë dollarësh të kapërcejë kufijtë e Shqipërisë dhe pasi iku u votua në Parlament. Pse nxitohen në rastin e zotit Berisha? Më lënë shije që është tendencioze.”, u shpreh ai.

Alizoti thotë se ai do të besojë në punën e SPAK nëse ato do të thërrasin kryeministrin Edi Rama.

“Unë kam një shqetësim, kur institucionet e drejtësisë të godasin kryeministrin në detyrë. Nëse ata do ta thërrasin, unë do t’i besoj. Nëse ky institucion kaq serioz ka këtë lloj forme hartimi që i përngjan një lloji opinioni dhe nuk ka akuza serioze, kjo është qesharake. Me këtë që po bën, SPAK nuk ngjan me drejtësinë amerikane por me drejtësinë e para 50 vjetëve. Masa ndaj Berishës, është shkelje të Kushtetutës. SPAK thotë që ky lloj ligji që ka bërë kryeministri i Shqipërisë ka favorizuar dhëndrin e tij.”, tha Alizoti.

Deputeti thotë se në radhë të parë është një show mediatik për të zhbërë çështjen e Kosovës, aferën e portit të Durrësit.

“Prokurori këtu merr statusin e Gjykatës Kushtetuese. Akuza e prokurorit është qesharake dhe tendecioze. Kjo nuk qëndron. Në radhë të parë është një show mediatik për të zhbërë çështjen e Kosovës, aferën e portit të Durrësit. Në momentin që e bën selektive dhe kalon mbi kompetencat e tua dhe në momentin që arreston në një ambient publik të afërmin e ish-kryeministrit, kjo është një shfaqje që po godet armiqtë. Kjo është një dosje që i përngjan vitit ’45. Këto lloj dëshmitarësh janë qesharakë. Kush ka vjedhur të japë llogari një për një. Unë s’i kam borxh asnjë cent këtij shteti, përveç se më ka marrë dhe kam pronat që ndoshta s’do të mund të më kthehen kurrë. Këtu nuk kanë thirrur njeri në detyrë. Edhe zoti Ahmetaj u godit politikisht dhe më pas u thirr. Prokurorët në Shqipëri janë njerëz që i mbyt politika. Kur SPAK-u të marrë në pyetje kryeministrin e Shqipërisë, atëherë unë do të filloj ta besoj dhe me të vërtetë është institucion që ka filluar të veprojë.”, u shpreh ai./ CNA





Lajmet e fundit nga