web counter
LEXO PA REKLAMA!

SHKARKO APP

App Store
Google Play

“Tamam si në ‘45”/ Topalli, për akuzat ndaj Berishës: Një sulm brutal, politik

24 Tetor 2023, 15:49, Aktualitet CNA
“Tamam si në ‘45”/ Topalli, për akuzat ndaj
Ish kryeparlamentarja Jozefina Topalli

Ish kryeparlamentarja Jozefina Topalli pas takimit me ish kryeministrin Sali Berisha, përmes një postimi në rrjetet sociale ka reaguar në lidhje me akuzat e SPAK për Berishën.

Topalli deklaron se nuk ka asnjë provë, akuzat janë fallso dhe i gjithi është një sulm brutal politik ndaj Berishës dhe opozitës.

Ish kryeparlamentarja thekson se duan të zëvendësojnë Republikën Parlamentare me Republikën e Prokurorëve.  

“Asnjë provë, akuza fallso e sulme brutale, arrestime, sekuestrime, në kohë rekord !

Të keqen e ‘45

 Pa asnjë provë, as fakt, pas 3 vitesh hetime të iniciuara nga Taulant Balla; në skadence të afateve ligjore,  në shkelje të tmerrshme të Kushtetutës, në përpjekje të minimit të demokracisë , përmes vjedhjes së emrit e vulës së Partisë, sulmi brutal politik kundër kryetarit të PD, zotit Sali Berisha është në fakt një sulm kundër   opozitës dhe çdo qytetari.

Pas 3 dekadash përpjekje për të ndërtuar shtet e demokraci, me uljet e ngritjet e saj , dëgjoj atë që është e paimagjinueshme:-sulmohet  ish kryeministri , që ka mbi 10 vite që ka ik nga kjo detyrë, se ka zbatu programin e tij politik për të cilën është votuar.

Pas 3 dekadash , nga rënia e diktaturës, në një precedent të tmerrshëm, kërkohet kufizimi i lirive të kryetarit të opozitës pa asnjë provë si dhe pa kërkuar autorizimin e Kuvendit.

E thënë ndryshe:-

Duan të zëvendësojnë Republikën Parlamentare me Republikën e prokurorëve .

Tamam si në 1945!

Kjo nuk është çështje për Kryetarin Sali Berisha.

Askush nuk do pyes më,për liritë e të drejtat e qytetarëve.

Dhe të gjitha këto në emër të popullit e të drejtësisë.

Tamam si në ’45”, shkruan Jozefina Topalli./ CNA





Lajmet e fundit nga