Shtyhet seanca për Berishën në GJKKO/ Rinis sërish pasdite

26 Tetor 2023, 11:09, Aktualitet CNA

Gjykata e Posaçme ka shtyrë seancën për ish-kryeministrin Sali Berisha, të akuzuar për korrupsion në lidhje me privatizimin e ish-kompleksit “Partizani”.

Seanca do të rinisë në orën 15:00. Shtyrja e seancës për ish-kryeministrin erdhi për shkak se avokatet kanë kërkuar kohë që të njihen me aktet.

Dy gra në mbrojtjen e Berishës/ Kush janë avokatet e shtetit që do të përfaqësojnë ish-kryeministrin
26 Tetor, 10:08

Kujtojmë se këtë të enjte Berisha ka depozituar në Gjykatën e Posaçme kërkesën për përjashtimin e gjyqtares Irena Gjoka nga çështja për ish-kompleksin "Partizani".

GJKKO bëri me dije për mediat se kjo kërkesë do të shqyrtohet nga gjyqtarja Flora Hajredinaj.

Berisha depoziton kërkesën për përjashtimin e gjyqtares Irena Gjoka
26 Tetor, 10:44

Ndaj ish-kryeministrit Berisha janë vendosur masat e sigurisë “detyrim paraqitje” dhe “ndalim i daljes jashtë shtetit” për akuzën “korrupsion pasiv”.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA