web counter
LEXO PA REKLAMA!

SHKARKO APP

App Store
Google Play

E fundit!

x

Intervistë për median greke/ Berisha: Kam prova, arrestimi i Belerit me urdhër të Ramës! Dëshmitari mori 7 mijë euro

25 Tetor 2023, 22:12, Aktualitet CNA

Intervistë për median greke/ Berisha: Kam prova, arrestimi i Belerit

Ish-kryeministri Sali Berisha  ka dhënë një intervistë për median greke skai.gr.

Gjatë intervistës Berisha ka hedhur akuza ndaj Edi Ramës për çështjen e Fredi Belerit duke thënë se akuzat ndaj kandidatit që fitoi zgjedhjet në bashkinë Himarë janë të sajuara.

Berisha ka thënë gjatë intervistës se  dëshmitarit mbi të cilin ishte bazuar prokuroria për tentativë blerje votash, i është paguar 7 mijë euro për shërbimet e tij.

“E kuptova që ishte një provokim i vjetër policor ndaj tij. Më vonë gjeta prova të qarta se oficerë të lartë të policisë dhe një informator ishin të përfshirë. Ekziston një fond sekret për ata që kryejnë "misione speciale". Ky provokator ka mbledhur para nga ky fond në kundërshtim me ligjin, një tarifë prej 7000 euro.”, është shprehur Berisha gjatë intervistës.

Berisha shprehet se ka prova se shuma që i është dhënë dëshmitarit kryesor të akuzës ndaj Fredis Beleris  është paguar nga fondet sekrete të policisë shqiptare.

“Më është dhënë (informacioni) në mënyrë shumë konfidenciale, por duke qenë se fondet janë përdorur në mënyrë të paligjshme dhe të papranueshme, shpall publikisht në Shqipëri dhe kudo se ky është një veprim shumë i trishtuar dhe i paligjshëm”, tha berisha. 

Media greke shkruan se ish-kryeministri i Shqipërisë dhe kundërshtar politik i Ramës, këmbëngul se dëshmia dhe video kundër Beleris janë të pavlefshme, pasi denoncuesi kryesor është paguar, ndërsa ka nisur sulmin ndaj kreut të policisë./ CNA





Lajmet e fundit nga