web counter
LEXO PA REKLAMA!

SHKARKO APP

App Store
Google Play

E fundit!

x

Shehaj vë në “peshore” Malltezin dhe Gaçin/ “Njëri në burg se për pronën e tij, tjetri investitor me pekule”

25 Tetor 2023, 19:12, Aktualitet CNA
Shehaj vë në “peshore” Malltezin dhe Gaçin/
Ekspertja e Ekonomisë, Brisida Shehaj

Ekspertja e Ekonomisë, Brisida Shehaj, ka folur për sekuestrimin e pronës të Artan Gaçit, bashkëshortit të ish-ministres Olta Xhaçka.

E ftuar në emisionin Task Forcë me gazetaren Sonila Meço, Sheha u shpreh se denoncimin për vjedhjen e pronave të shtetit e bëri kryebashkiaku i zgjehedur i Himarës Fredi Beleri dhe theksoi se është firmosur nga ish kryetari i bashkisë Himarë Jorgo Goro, i cili pak kohë më parë është thirrur në SPAK.

Shehaj e krahason rastin me atë të Jamarbër Malltezit i cili i ka përfituar ato prona ku trualli është kthyer në destinacion ndërtimi, ndërsa Gaçi që ka ndërtuar mbi një tokë shtetëore po mbahet me pekule.  

"Për habi ishte realisht e habitshme që SPAK shpërndau për gazetarët njoftimin e famshëm ku sekuestrohet prona ku do të ndërtojë Artan Gaci i cili është shpallur investitor strategjik. Beleri ka bërë depozitim me 5 tetor dhe sa të shqyrtohet depozitimi për 20 ditë më duket e pamundur derisa solli dhe sekuestron dhe kjo nuk ndodh vetëm nëse ka një hetim më herët.

Janë dy procese që njëri është qesharak dhe tjetri trajtohet me pekule. Malltezi tokën e kishte të veten ndërsa këto që kanë marrë dhe ja kanë dhënë Gacit është tokë e shtetit . Goro duhet të ishte në burg pasi tokat janë ndarë me AMTP dhe në AMTP janë konfirmuar të gjitha nga bashkia.

Gaçi e mori me AMTP por nuk e di të ketë tokë bujqësore në breg të detit ndërsa Malltezi e mori me vendim të kthimit të pronave ndërsa këto kanë marrë pronën tonë sepse në atë zonë AMTP i kanë vendosur kryepleqt dhe banorët e zonës, i kanë dhënë shqiptarët për shqiptarët. Nëse këto persona që toka u del se kanë falsifikuar pronat prap toka do ti ngelet investitorit strategjik pasi aty është garantues shteti", ka thënë Shehaj./ CNA





Lajmet e fundit nga