web counter
LEXO PA REKLAMA!

SHKARKO APP

App Store
Google Play

“Ishte në gjendje shumë të rëndë”/ Gazetarja zbulon takimin me vajzën e përdhunuar: Tundte vetëm kokën

25 Tetor 2023, 16:12, Aktualitet CNA

“Ishte në gjendje shumë të rëndë”/

Gazetarja Afrovita Hysenaj, e cila u kërcënua pasi bëri publik lajmin se një vajzë 26-vjeçare është përdhunuar nga 4 persona, ka treguar më shumë detaje për takimin me vajzën në spital.

Gazetarja rrëfen se 26-vjeçarja ishte në gjendje shumë të rëndë dhe tundte vetëm kokën pais ishte e shokuar dhe e tronditur.

Ajo thekson se ndonëse ishte në gjendje shumë të rëndë, i është marrë dëshmi për rastin.

“Në datën 23, ditën që vajzës i është marrë dëshmia brenda ambienteve të spitalit ku ajo gjendej, unë e kam takuar vajzën personalisht. Lirshëm jam futur në ambientet e reanimacionit dhe jam munduar të komunikoj me vajzën.

Ishte e pamundur të flitej me vajzën, ajo nuk reagonte, nuk fliste, tundte vetëm kokën dhe konfirmonte me sy dhe shikonte e çorientuar, e çoroditur, e shokuar dhe nuk e di se si në atë gjendje kësaj vajze i ishte marrë deklarata dhe kjo vajzë paska deklaruar se ka shkuar me dëshirë. Vajza është rikthyer në spital për t’iu nënshtruar ekspertizës, nuk e di pse nuk ka ndodhur ekspertiza më parë, por shpresoj të dalë e vërteta”, tha gazetarja në intervistën e saj në "Euronews"./ CNA





Lajmet e fundit nga