E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Përvetësuan rreth 14 dynym tokë në Himarë/ Sekuestrohet pasuria 2.7 milionë euro, masë sigurie për motër e vëlla

25 Tetor 2023, 11:21, Aktualitet CNA

Përvetësuan rreth 14 dynym tokë në Himarë/ Sekuestrohet

Foto ilustruese

Prokuroria e Vlorës vendosi sekuestrimin e 13.750 m2 tokë, e cila kap vlerën e 2.750.000 eurove.

Nga hetimet u provua toka në fshatin Gjilek të Bashkisë së Himarës është regjistruar pranë ASHK Vlorë me dokumente të falsifikuara.

Për përvetësimin e kësaj prone u vendos masa e sigurimit “Arrest me burg” për shtetasin me iniciale E.M., si dhe masa e sigurimit “Arrest në shtëpi” për shtetasen L.M., motër e vëlla.

Nga aktet e administruara gjatë hetimit, rezultoi e provuar se motër e vëlla kanë konsumuar veprën penale “Falsifikim i dokumenteve”, kryer më shumë se një herë dhe në bashkëpunim, “Falsifikim i vulave, i stampave dhe formularëve”, kryer më shumë se një herë dhe në bashkëpunim, si dhe “Pastrim i produkteve të veprës penale ose veprimtarisë kriminale”, kryer në bashkëpunim.

"Për regjistrimin e pronës shtetasja L.M., inicioi një proçes gjyqësor administrativ pranë Gjykatës së Shkallës së Parë Administrative Vlorë, ku kërkoi regjistrimin e të gjithë sipërfaqes sipas dokumentit pronësor AMTP nr.9859. Në gjykimin administrativ, nga ana e shtetasve E.M. dhe L.M., janë përdorur dokumentet e falsifikuara, Formular nr.6 dhe AMTP.

Dokumentet e falsifikuara u përdorën në disa institucione nga ana e personave nën hetim, si; Këshillin e Qarkut Vlorë; Bashkinë Himarë; në procesin gjyqësor të zhvilluar pranë Gjykatës Administrative të Shkallës së Parë Vlorë si dhe më pas pranë ish-ZVRPP Vlorë (sot ASHK).

Nga hetimi u provua se, mbi pronën pas regjistrimit janë kryer veprime, ndarje, transaksione/shitje të shumta, duke kaluar pjesën më të madhe nga sipërfaqja totale 13.750m2, tek persona të tretë. Në kohën e kryerjes së veprimeve të mësipërme, shtetasi E.M. ka qënë në detyrën e topografit të Bashkisë Himarë.

Po kështu, nga hetimet rezultoi e provuar se pas regjistrimit pranë ish-ZVRPP Vlorë të sipërfaqes prej 13.700 m2, mbi këtë pasuri janë kryer veprime juridike me qëllim fshehjen/mbulimin e natyrës së paligjshme të pasurisë së përfituar me anë të dokumentave të falsifikuara.

Një pjesë e kësaj prone ka mbetur në bashkëpronësi të shtetasve E.M. dhe L.M. Ndërsa nga sipërfaqja totale prej 13.750 m2, është shitur një sipërfaqe prej 7050 m2", njofton Prokuroria e Vlorës./ CNA