web counter
LEXO PA REKLAMA!

SHKARKO APP

App Store
Google Play

E fundit!

x

“Është një hetim që mund të zgjasë”/ Artan Hoxha: Ja çfarë prisja sot nga Sali Berisha

24 Tetor 2023, 22:34, Aktualitet CNA
“Është një hetim që mund të zgjasë”/
Gazetari Artan Hoxha

Gazetari Artan Hoxha, në emisionin "Opinion" me gazetarin Blendi Fevziun ka folur për momentin e arrestimit të Jamarbër Malltezit, duke thënë që menjëherë sapo është lokalizuar dhe është arrestuar i është marrë celulari nga dora dhe është çuar në laborator.

Ndër të tjera ka sqaruar dhe akuzën që rëndon mbi Berishën duke thënë se ish kryeministri akuzohet për shtrimin e infrastrukturës që Malltezi të përfitonte truallin dhe ta ndryshonte nga një pronë shtetërore, në një firmë ndërtimi.

Më tej, Hoxha tha se sot priste që Berisha të përballej me gjykatën dhe të gjitha ato që ka thënë në konferencë t’i thoshte edhe në gjykatë.

“Malltezit i është rrëmbyer celulari dhe është çuar në laborator.

Berisha ka krijuar infrastrukturën që Malltezi të dalë si garant i 64 pronarëve dhe të përfitojë truallin, ta ndryshojë nga një pronë shtetërore dhe ta kthejë në firmë ndërtimi. Kjo është fabula.

SPAK është përpjekur dhe ka kapur llogaritë kompjuterike.

Kjo është një histori që sapo ka filluar. Është një hetim dhe kjo mund të zgjasë.

Me masë sigurie nuk i mbajnë dot më shumë se një vit dhe një vit e gjysmë. Unë prisja që Berisha të përballej sot dhe të gjitha ato që ka thënë në konferencë të thonte në gjykatë. Në momentin që akuzat cedon ti do përballesh me gjykatën”, tha Hoxha./ CNA





Lajmet e fundit nga