web counter
LEXO PA REKLAMA!

SHKARKO APP

App Store
Google Play

“Berisha po goditet nga SHBA”, Xhunga: Shumica kushtetuese mund ta flakte SPAK-un në Lanë

24 Tetor 2023, 21:53, Aktualitet CNA
“Berisha po goditet nga SHBA”, Xhunga: Shumica kushtetuese mund ta
Gazetari Albi Xhunga

Gazetari Albi Xhunga u shpreh se Sali Berisha nuk po goditet nga Rama apo SPAK, por nga Shtetet e Bashkuara të Amerikës.

Sipas tij SPAK-u ka mbështetjen e SHBA-së dhe për këtë arsye i është vënë pas faktorëve më të rëndësishëm politikë në Shqipëri, ndryshe diçka e tillë nuk do të ishte e mundur.

Madje ai shprehet se Sali Berisha dhe Edi Rama kanë shumicë kushtetuese dhe mund të mblidhnin parlamentit e atë që u bë në 2016-tën e zhbënin sot dhe e flaknin SPAK-un në Lanë.

“Nuk po e godet SPAK-u, natyrisht nuk po e godet as Edi Rama. Po e godet SHBA-ja sepse po të shikojmë, SPAK deri më sot ka goditur Rilindjen dhe Sali Berishën, por këta dy faktorë na rezultojnë që janë dhe faktorët më të rëndësishëm politikë në Shqipëri, që do të thotë këta dy faktorë kanë sot në Parlamentin e Shqipërisë shumicë kushtetuese, pra shumicë të cilësuar dhe po të ishte për SPAK-un, Sali Berisha dhe Edi Rama mblidhnin parlamentit, atë që u bë në 2016-tën e zhbënin sot dhe e flaknin SPAK-un në Lanë. Pra, këta sot po i godet SPAK-u sepse është i mbështetur nga Shtetet e Bashkuara të Amerikës”,  u shpreh Xhunga./ CNA





Lajmet e fundit nga