web counter
LEXO PA REKLAMA!

SHKARKO APP

App Store
Google Play

E fundit!

x

Kumbaro, thirrje hoteleve/ Regjistrohuni edhe në Ministrinë e Turizmit, jo vetëm në QKB

25 Tetor 2023, 09:51, Aktualitet CNA

Kumbaro, thirrje hoteleve/ Regjistrohuni edhe në Ministrinë e

Ministrja e Turizmit, Mirela Kumbaro, në një konferencë për mediat foli për TVSH-në 6% për hotelet, bujtinat dhe shtëpitë e pushimit.

Kumbaro tha se kjo TVSH po aplikohet prej 4 vitesh, ndërsa bëri një thirrje për të gjitha bizneset e akomodimit.

Ajo deklaroi se personat që kanë një hotel nuk duhet të regjistrohen vetëm në QKB, por edhe në Ministrinë e Turizmit në mënyrë që të përfitojnë uljen për turizmin 6% në vend të 20%.

“TVSH-ja 6%, e aplikuar për të gjitha strukturat akomoduese, me kushtin që këto struktura të formalizohen, të regjistrohen pranë Ministrisë së Turizmit dhe Mjedisit është një praktikë e cila ka filluar prej më shumë se 4 vitesh, e cila po intensifikohet.

Vetëm tani që flasim, në dy vitet e fundit kemi një regjistrim të mbi 2500 struktura akomoduese, nga bujtina te hotele apo edhe resorte që janë edhe të klasifikuara me 5 yje.

Është shumë e rëndësishme dhe po e përdor këtë moment komunikimi për t’i thënë çdokujt që ka një hotel nuk mjafton vetëm të jetë i regjistruar në QKB për ta përfituar këtë ulje të favorizuar, të dedikuar për turizmin 6% në vend të 20%, duhet detyrimisht të regjistrohet edhe në ministrinë e Turizmit për të marrë kategorinë e caktuar”, theksoi ajo./ CNA

 





Lajmet e fundit nga