web counter
LEXO PA REKLAMA!

SHKARKO APP

App Store
Google Play

Forcimi i sigurisë rrugore dhe edukimi mbi trafikun/ Finalizohet marrëveshja me shtetin gjerman

24 Tetor 2023, 22:57, Aktualitet CNA
Forcimi i sigurisë rrugore dhe edukimi mbi trafikun/ Finalizohet
Foto ilustruese

Kreu i DPSHTRR-së, Blendi Gonxhja ka bërë me dije se është finalziuar marrëveshja me shtetin Gjerman për bashkëpunimin në aktivitete të forcimit të sigurisë rrugore, edukimit mbi trafikun dhe të shfrytëzimit të rrugës.

Pjesë e këtij takimi ishin Zv. Ministri i MIE, Z. Hantin Bonati dhe Z. Oliver Luksic, Sekretari Parlamentar i Shtetit dhe Koordinatori Federal për Logjistikën dhe Transportin e Mallrave në Gjermani, Z. Guido Zielke, Drejtor i Përgjithshëm i Trafikut Rrugor dhe Transportit të Ministrisë Federale Gjermane të Digjitalizimit dhe Transportit, në prezencën e Zv. Ambasadorit të RFGJ në Shqipëri, Z. Thilo Schroeter.

Pas nënshkrimit të marrëveshjes, kreu i DPSHTRR-së thotë se mbeten të angazhuar për të rritur ndërgjegjësimin dhe edukimin për sigurinë rrugore, për të gjithë përdoruesit e rrugës, për të mobilizuar organet publike dhe aktorët privatë drejt veprimeve konkrete me synim krijimin e një mjedisi më të sigurt dhe reduktimin e aksidenteve rrugore e pasojave.

“Finalizohet marrëveshja me shtetin Gjerman për bashkëpunimin në aktivitete të forcimit të sigurisë rrugore, edukimit mbi trafikun dhe të shfrytëzimit të rrugës!

Takim zyrtar e bashkëbisedim mes, ku diskutuam mbi marrëveshje e re që ka për qëllim bashkëpunimin e ndërsjellë institucional.

Angazhohemi për të rritur ndërgjegjësimin dhe edukimin për sigurinë rrugore, për të gjithë përdoruesit e rrugës, për të mobilizuar organet publike dhe aktorët privatë drejt veprimeve konkrete me synim krijimin e një mjedisi më të sigurt dhe reduktimin e aksidenteve rrugore e pasojave.

Ky bashkëpunim përforcon marrëdhëniet mes dy vendeve, duke afruar dhe më tej DPSHTRR-në me institucionet gjermane, drejt një misioni dhe vizioni të përbashkët për programet kombëtare të sigurisë rrugore”, njofton Blendi Gonxhe./ CNA





Lajmet e fundit nga