E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Përdhunim dhe drogë/ Rrëfehet 26-vjeçarja: Familjarët e dhunuesit më kërcënuan të ndryshoja dëshminë

25 Tetor 2023, 12:26, Aktualitet CNA

Përdhunim dhe drogë/ Rrëfehet 26-vjeçarja: Familjarët

Spitali Vlorë

26-vjeçarja, e cila u drogua dhe u dhunua seksualisht nga disa të rinj në Vlorë, ka treguar detaje rreth ngjarjes së rëndë.

Në një emision televiziv ajo është shprehur se familjarët e njërit prej abuzuesve i kanë shkuar në spital dhe i kanë kërkuar që të ndryshonte dëshminë në polici. Madje ajo shprehet se edhe e kanë kërcënuar që të tërheqë denoncimin.

"Jo nuk është e vërtetë që unë kam ndërruar dëshmi. Jo nuk është e vërtetë aspak. Dëshmia është dhënë dy herë dhe është dhënë e njëjta dëshmi, që atyre personave nuk u falet. Më ka ardhur mamaja e njërit prej personave nga ata. Më kanë kërkuar që të ndryshoja dëshminë, por edhe më kanë kërcënuar që të tërheq edhe denoncimin", është shprehur vajza.

Sa i përket detajeve se si ka ndodhur ngjarja, ajo thekson se fillimisht kanë qenë dy persona, O. T. dhe A. C., por më pas nuk mban mend asgjë.

"Kanë qene O…. A….. dhe G…. mbaj mend që kanë qënë këta persona te lokali, më pas nuk mbaj me mend asgjë", është shprehur ajo./CNA

Për ngjarjen e rëndë, të mërkurën Gjykata e Vlorës dha masën e sigurisë "arrest me burg", për dy të rinjtë, O. T. dhe A. C., të cilët gjatë qëndrimit në sallën e gjyqit, qëndronin me kokat ulur.

Kujtojmë se për këtë ngjarje, gazetarja Afrovita Hysaj raportoi se po tentohet të fshihet një prej autorëve të abuzimit seksual.

Ndryshe nga policia, e cila raportoi për 3 autorë, (2 në pranga dhe 1 në kërkim), Hysaj tha se në këtë ngjarje është përfshirë edhe një person i katërt, i cili ishte djali i një drejtuesit të televizionit lokal “6+1 Vlora”.

Pas këtij raportimi gazetarja mori një mesazh kërcënues nga pronari i televizionit lokal, ndërsa “6+1 Vlora” publikoi një artikull ku gazetaren e etiketonte me termin e rëndë “Prosti”.

Afrovita Hysaj ka kallëzuar në policinë e Vlorës drejtuesin e televizionit me iniciale A. D. dhe blutë e kanë proceduar penalisht.

Por, policia deklaron se personi i katërt nuk ka qenë i përfshirë në aktin e abuzimit seksual, por ka nxitur 3 të tjerët që t'i japin lëndë narkotike 26-vjeçares./ CNA