web counter
LEXO PA REKLAMA!

SHKARKO APP

App Store
Google Play

Droguan 26-vjeçaren dhe abuzuan seksualisht me të/ Lihen në burg dy nga autorët

25 Tetor 2023, 11:32, Kronika CNA
Droguan 26-vjeçaren dhe abuzuan seksualisht me të/ Lihen në
Dy autorët e abuzimit seksual

Gjykata e Vlorës ka caktuar masën e sigurisë "arrest me burg", për dy të rinj, të cilët janë arrestuar për abuzim me 26-vjeçaren në Vlorë.

Konkretisht në burg janë lënë shtetasit me inicialet O. T. dhe A. C., të cilët gjatë qëndrimit në sallën e gjyqit, qëndronin me kokat ulur.

Për abuzimin seksual me 26-vjeçaren, pasi e droguan janë shpallur në kërkim edhe dy persona të tjerë.

Kujtojmë se për këtë ngjarje, gazetarja Afrovita Hysaj raportoi se po tentohet të fshihet një prej autorëve të abuzimit seksual. 

Ndryshe nga policia, e cila raportoi për 3 autorë, (2 në pranga dhe 1 në kërkim), Hysaj tha se në këtë ngjarje është përfshirë edhe një person i katërt, i cili ishte djali i një drejtuesit të televizionit lokal “6+1 Vlora”.

Pas këtij raportimi gazetarja mori një mesazh kërcënues nga pronari i televizionit lokal, ndërsa “6+1 Vlora” publikoi një artikull ku gazetaren e etiketonte me termin e rëndë “Prosti”.

Afrovita Hysaj ka kallëzuar në policinë e Vlorës drejtuesin e televizionit me iniciale A. D. dhe blutë e kanë proceduar penalisht.

Por, policia deklaron se personi i katërt nuk ka qenë i përfshirë në aktin e abuzimit seksual, por ka nxitur 3 të tjerët që t'i japin lëndë narkotike 26-vjeçares./ CNA





Lajmet e fundit nga