E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

U vetëplagos me kallashnikov/ Si tentoi të manipulonte Policinë i riu, i gjendet edhe një parcelë me kanabis

23 Tetor 2023, 09:52, Kronika CNA

U vetëplagos me kallashnikov/ Si tentoi të manipulonte Policinë i

Hekuran Murtaj

Hekuran Murtajt, i cili ra në prangat e policisë për “mbajtje pa leje të armëve luftarake dhe municioneve”, i është zbuluar edhe një parcelë me drogë.

Murtaj nga fshati Stjar i Delvinës, shkoi i plagosur në spitalin e Sarandës më 20 shtator, ku deklaroi se i kishte plasur një fishek që e kishte gjetur në fushë.

Por hetimet e Policisë së Sarandës zbuluan se Murtaj ishte plagosur në Livadhja, në Bashkinë Finiq, nga shkrepja e një arme zjarri kallashnikov, të cilën e mbante pa leje.

Nga hetimet rezultoi se pas plagosjes, vëllai dhe një shok i tij ishin siguruar për fshehjen e armës së zjarrit për të mos u zbuluar nga policia.

Megjithatë, gjatë kontrollit të një celulari, ai do të përballet edhe me një tjetër vepër penale, pasi akuzohet për kultivim kanabisi.

“Gjatë këqyrjes që i bëhet fotove dhe videove të regjistruara gjendet edhe një video e regjistruar në datën 2 gusht 2023, 17 sekonda e cila tregon disa bimë të dyshuara narkotike “cannabis sativa” në mes të disa shkurreve dhe një video tjetër 23 sekonda, e cila tregon të njëjta pamje. Nga ana e policisë gjyqësore janë ushtruar kontrolle në zonat dhe fushat midis fshatit Vagalat e Gravë me dron dhe u gjet vendi ku ishin kultivuar bimët e dyshuara narkotike, të cilat ndodheshin në afër lumit Pavilo në anë të fushave me misër. Në këtë territor ku u zbuluan bimët narkotike u gjetën dhe u sekuestruan me cilësi e provës materiale një bidon plastik 0.5 L me mbishkrimin “ZAGORI”, dy qese plastmasi me ngjyrë të bardhë, si dhe disa rroba të cilat u dërguan për ekzaminim laboratorik”, thuhet në dosjen hetimore.

Prokuroria duket se ende nuk ka ngritur akuzën e “kultivimit të bimëve narkotike” ndaj Murtajt, në pritje të ekspertizës nga Tirana. Ai ndërkohë është lënë në masën “Arrest në burg” nga Gjykata për veprën penale “mbajtje pa leje të armëve luftarake dhe municionit”./CNA