E fundit!

10:40 Aktualitet

“Ndodhem në një luftë digjitale”/ Porositë e Ramës për socialistët

Kryeministri Edi Rama ka thirrur këtë të mërkurë në takim ...

Pjesë e një organizate kriminale/ Kapet i shumëkërkuari nga autoritetet italiane

21 Tetor 2023, 09:41, Kronika CNA

Pjesë e një organizate kriminale/ Kapet i shumëkërkuari nga

Foto ilustruese

Autoritetet kanë finalizuar operacionin e koduar “Part Of”. Është bërë e mundur vënia në pranga e një shtetasi shqiptar i cili është shpallur në kërkim ndërkombëtar nga autoritetet itraliane si pjesë e një organizate kriminale që merrej me trafik droge.

Shtetasi me inciale F.M, 32-vjeç u lokalizua në lagjen “Ndoc Mazi”, Shkodër, dhe u arrestua provizorisht, me qëllim ekstradimin e tij në Itali ku parashikohet të dënohet me 20 vite burg për veprat penale ”Organizata kriminale me qëllim trafikimin e drogës”.

Njoftimi i Policisë

FAST Albania/Bashkëpunim intensiv me partnerët, për lokalizimin, kapjen dhe ekstradimin e shtetasve të shpallur në kërkim ndërkombëtar.

Finalizohet në Shkodër, operacioni policor i koduar “Part of”.

I akuzuar nga autoritetet e Italisë, si pjesëtar i një organizate kriminale për trafikim të narkotikëve, kapet dhe arrestohet me qëllim ekstradimin, 32-vjeçari i kërkuar ndërkombëtarisht.

Pas shkëmbimit të informacioneve ndërmjet Interpol Tiranës dhe Interpol Romës, për vendndodhjen e një shtetasi të shpallur në kërkim ndërkombëtar, për llogari të Italisë, shërbimet e njësisë së specializuar FAST Albania, në bashkëpunim me shërbimet e Drejtorisë Vendore të Policisë Shkodër, kanë organizuar dhe finalizuar operacionin policor të koduar “Part of”.

Si rezultat i operacionit, u lokalizua në lagjen “Ndoc Mazi”, Shkodër, dhe u arrestua provizorisht, me qëllim ekstradimin, shtetasi i shpallur në kërkim ndërkombëtar F. M., 32 vjeç.

32-vjeçari ishte shpallur në kërkim ndërkombëtar, pasi Gjykata e Milanos i kishte caktuar masën e sigurisë “Arrest në burg”, për veprën penale ”Organizata kriminale me qëllim trafikimin e drogës”, sipas Kodit Penal të Italisë, ku parashikohet dënim deri në 20 vjet burgim për këtë vepër.

Interpol Tirana vijon të bashkëpunojë me partnerët italianë, për ekstradimin e shtetasit F. M./ CNA