web counter
LEXO PA REKLAMA!

SHKARKO APP

App Store
Google Play

Sekuestrohen 10 milionë dollarë kokainë në Peru/ Kush është "Baba" që drejtonte trafikantët shqiptarë

19 Tetor 2023, 16:02, Kronika CNA

Sekuestrohen 10 milionë dollarë kokainë në Peru/ Kush

Një megaoperacion antidrogë është zhvilluar në Peru, ku është çmontuar një organizatë kriminale e njohur “Roll Royce”. Gjatë aksionit të policisë janë sekuestruar 114 pako me kokainë, me vlerë mbi 10 milionë e 400 mijë dollarë. 

Drejtuesi i organizatës, i identifikuar si Nicola Berishaj, alias “Baba”, është një shtetas malazez, i cili dyshohet se vepronte si "emisar" i trafikantëve shqiptarë të drogës. Sipas agjentëve të antidrogës, organizata kriminale ishte gati të eksportonte drogën përmes portit Chalaco drejt Evropës.

Nga hetimi u zbulua gjithashtu se Nicola Berishaj, alias "Baba", shfaqej si punonjës i një kishe ungjillore për të mos ngjallur dyshime. 

Mes të arrestuarve është edhe Segundo Fernando Sangama Flores, i njohur ndryshe si “Chuy”, i cili ishte përgjegjës për ruajtjen e pakove të kokainës.

Sipas mediave vendase, operacioni erdhi pas disa muajsh hetime që i lejoi policisë të lokalizonte një shtëpi në San Martín de Porres, ku u gjetën pakot e drogës të vendosura në një furgon të vogël.

Media vendase, "Panamericana" shkruan se mafia shqiptare është një nga më të fuqishmet në Evropën Juglindore./CNA

 

 





Lajmet e fundit nga