web counter
LEXO PA REKLAMA!

SHKARKO APP

App Store
Google Play

E fundit!

x

“Kërcet” arma në Kamëz/ Plagoset një person

18 Tetor 2023, 17:28, Kronika CNA
“Kërcet” arma në Kamëz/ Plagoset një person
Foto ilustruese

Disa të shtëna me armë zjarri janë regjistruar rreth orës 16:10 të ditës së sotme në Kamëz.

Mësohet se nga të shtënat ka mbetur i plagosur një 16-vjeçar, i cili është dërguar në spital dhe po merr ndihmë mjekësore.

Ngjarja ka ndodhur konkretisht në rrugën "OSBE", ndërsa autori është larguar menjëherë pas të shtënave.

Por menjëherë pas plagosjes, blutë kanë identifikuar autorin si 18-vjeçarin me iniciale A. H., ndërsa raportojnë se ngjarja ka ndodhur pas një konflikti për motive të dobëta.

“Plagosi me armë zjarri një shtetas, identifikohet dhe shpallet në kërkim autori i dyshuar.

Shërbimet e Komisariatit të Policisë Nr. 5, ditën e sotme, pas marrjes së njoftimit se në rrugën "OSBE", në Kamëz, një shtetas ka plagosur me armë zjarri një 16-vjeçar, menjëherë kanë organizuar punën për identifikimin e autorit të dyshuar.

Si rezultat i veprimeve të shpejta hetimore u bë identifikimi i autorit të ngjarjes, shtetasit A. H., 18 vjeç, i cili gjatë një konflikti për motive të dobëta, ditën e sotme, rreth orës 16:10, ka plagosur me armë zjarri në këmbë, një 16-vjeçar.

16-vjeçari si pasojë është dëmtuar dhe ndodhet në spital, nën kujdesin e mjekëve.

Vijon puna për kapjen e autorit të dyshuar.

Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedural”, thuhet në njoftimin e policisë./ CNA





Lajmet e fundit nga