web counter
LEXO PA REKLAMA!

SHKARKO APP

App Store
Google Play

E fundit!

x

Rrëfehet dëshmitarja e Gërdecit: Nuk kishim trajnime, fusha ishte e mbushur me barut

18 Tetor 2023, 17:10, Kronika CNA
Rrëfehet dëshmitarja e Gërdecit: Nuk kishim trajnime, fusha ishte
GJKKO

Alketa Hazizi ka zbuluar detaje nga tragjedia e Gërdecit në mars të 2015-ës, në cilësinë e dëshmitares.

Gjatë dëshmisë së saj në GJKKO, ajo tha se nga shpërthimi humbi jetën vjehrri i saj.

Hazizi deklaroi se në fabrikë ishte e punësuar së bashku me bashkëshortin dhe me vjehrrin, por asnjëri prej tyre nuk kishte bërë trajnim për çmontimin e armëve.

Ajo rrëfeu se gjithashtu nuk kishin as kontrata pune, ndërsa rrëfeu me detaje punën që bënin.

Dëshmitarja deklaroi se e gjithë fusha ishte e mbushur me barut dhe nuk e kuptoi nga dolën flakët, por dëgjoi të bërtiturat dhe pa punonjësit që tentonin të largoheshin.

“Kam punuar për disa muaj, nga shpërthimi më ka humbur jetën vjehrri. Nuk kishim kontrata pune dhe nuk kishim bërë trajnime se si bëhej çmontimi i armëve. Në fillim bashkë me burrin dhe vjehrrin e kemi nisur duke çmontuat fishekë dhe më pas kemi kaluar tek predhat. Procedura ishte e njëjtë i çmontonim me çekiçë u hiqnim diabolën dhe më pas predhat merreshin me fadromë ndërsa baruti futej në thasë dhe dërgohej në magazinë. E gjithë fusha ishte e mbushur me barut, nuk e kuptova nga dolën flakët vetëm kam dëgjuar të bërtiturat, flakë, ngrita kokën dhe pashë që flaka ishte tek thasët e barutit. Flakët ishin të larta dhe nuk kishim mundësi që ta shuajmë. Më pas të gjithë kemi tentuar që të largohemi me vrap që të shpëtojmë.

Ne i mbushnim thasët me barut dhe i transportonim me karroca, dëgjova ulërimat, aty kam parë flakët, isha në distancë gati 10 metra nga flakët. Zjarri ishte në pjesën e poshtme të fabrikës. Unë njoh vetëm Dritan Minxollin dhe Vangjelin. Duke ikur kam shkelur dhe me viktima, në afërsi të portës kryesore jam rrëzuar, e shikoja që po merrja flakë por nuk mund të largohesha kam pasur 32% të trupit të djegur. Fatmir Mediun s’e kam pare, as e njoh. Aty kam patë një person tjetër emri s’më kujtohet”, theksoi Alketa Hazizi./ CNA





Lajmet e fundit nga