web counter
LEXO PA REKLAMA!

SHKARKO APP

App Store
Google Play

E fundit!

x

I vunë zjarrin lokalit në Tiranë/ Shkon në 2 numri i të arrestuarve, morën paratë për të hedhur lëndë djegëse

17 Tetor 2023, 10:16, Kronika CNA

I vunë zjarrin lokalit në Tiranë/ Shkon në 2 numri i të

Policia e Tiranës ka arrestuar 41-vjeçarin me iniciale E.P., si bashkëpunëtor në djegien e një lokali në kryeqytet.

Uniformat blu bëjnë me dije se nga hetimet ka rezultuar se shtetasi E. P., në bashkëpunim me shtetasin K. B. (i arrestuar), kanë hedhur lëndë djegëse në tarracën e lokalit. 

Të dy personat e arrestuar janë paguar për të kryer këtë veprim nga shtetasi shtetasi R. B., i shpallur në kërkim.

Njoftimi i Policisë: 

Tiranë/Veprime të thelluara hetimore, në kuadër të operacionit policor të koduar “Fire”, për zbardhjen e plotë të rrethanave të djegies së qëllimshme të një lokali.

Si rezultat i veprimeve hetimore, identifikohet dhe shpallet në kërkim një 41-vjeçar, i dyshuar si bashkëpunëtor në këtë ngjarje.

Specialistët për Hetimin e Krimeve të Komisariatit të Policisë Nr. 2, në vijim të veprimeve hetimore të kryera në kuadër të operacionit policor të koduar “Fire”, për zbardhjen dhe dokumentimin e plotë të djegies së qëllimshme të një lokali në rrugën "Gjin Bue Shpata", ngjarje e ndodhur më datë 12.10.2023, kanë identifikuar dhe shpallur në kërkim shtetasin E. P., 41 vjeç, banues në Tiranë.

Nga veprimet e thelluara hetimore ka rezultuar se shtetasi E. P., në bashkëpunim me shtetasin K. B. (i arrestuar), kanë hedhur lëndë djegëse në tarracën e lokalit, kundrejt një pagese të kryer nga shtetasi R. B. (i shpallur në kërkim).

Vijon puna për kapjen e shtetasve E. P. dhe R. B.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA





Lajmet e fundit nga