web counter
LEXO PA REKLAMA!

SHKARKO APP

App Store
Google Play

E fundit!

x

Hapte dyert e blinduara me pajisje profesionale dhe vidhte banesat/ Arrestohet "skifteri" në Durrës

14 Tetor 2023, 12:40, Kronika CNA

Hapte dyert e blinduara me pajisje profesionale dhe vidhte banesat/ Arrestohet

Policia e Durrësit ka zbardhur 3 vjedhje në banesa, në sajë të operacionit të koduar "Topolino".

Blutë bëjnë me dije se kanë arrestuar autorin e identifikuar si shtetasin me iniciale O. S., 28 vjeç, banues në lagjen nr. 16, Durrës.

Ndaj tij rëndojnë akuzat për veprat penale "Vjedhja" dhe "Prodhimi dhe shitja e narkotikëve".

Arrestimi i këtij shtetasi u bë pas një pune disamujore të ndjekur me metoda speciale të hetimit, nga e cila ka rezultuar se ky shtetas, në harkun kohor korrik - tetor 2023, në qytetin e Durrësit, duke përdorur pajisje profesionale për hapjen e dyerve të blinduara, në mënyrë të fshehtë, ka arritur të realizojë vjedhjen në 3 banesa.

Më datë 12 tetor, në lagjen nr. 3, Durrës, ka vjedhur në një banesë, bizhuteri floriri të ndryshme me vlerë 8000 euro;

Më datë 15 shtator, në lagjen nr. 3, Durrës, në një banesë, ka vjedhur sende me vlerë;

Më datë 22 korrik, në lagjen nr. 4, Durrës, në një banesë, ka vjedhur 9 ora dore të markave të ndryshme dhe 1 laptop.

Janë sekuestruar në cilësinë e provës materiale një pjesë e sendeve të vjedhura, konkretisht: 1 laptop, 9 ora dore të markave të ndryshme, 3310 euro, 1 çantë marsup, 2 celuarë, 1 automjet, si dhe 1 çelës universal (topolino) që shërben për hapjen e dyerve, rrobat e përdorura nga autori gjatë kryerjes së vjedhjeve dhe nje sasi lënde e dyshuar narkotike cannabis sativa e gjetur gatë kontrollit të banesës së autorit.

Aktualisht po vijon puna për zbardhjen e vjedhjeve të tjera që mund të ketë kryer shtetasi O. S.

Ndërkohë, materialet procesurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./ CNA





Lajmet e fundit nga