web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i kushëririt të Ervis Martinajt/ Ishte në kërkim për dhunë në familje, i dënuar me 8 muaj burg

13 Tetor 2023, 09:37, Kronika CNA

Arrestimi i kushëririt të Ervis Martinajt/ Ishte në kërkim

Policia e Tiranës ka mundur të arrestojë 28-vjeçarin Emiljano Nina, për aksidentin te Liqeni Artificial, ku u përplas me "BMW X6" në bordurën anësore të Liqenit Artificial.

Pas ngjarjes, të ndodhur në muajin gusht, ai u largua nga vendi i ngjarjes. 

Sipas policisë, i riu ka ka qenë i shpallur në kërkim edhe për veprën penale “Dhuna në familje” dhe është dënuar nga gjykata me 8 muaj burg.

Njoftimi i Policisë: 

Kapet dhe vihet në pranga një 28-vjeçar, i cili në muajin gusht të këtij viti, përplasi automjetin që drejtonte me shpejtësi së lartë, me bordurën anësore te Liqeni Artificial, dhe më pas u largua.

28-vjeçari, i shpallur në kërkim edhe për dhunë në familje, pasi është dënuar me 8 muaj burgim, për këtë vepër penale.

Shërbimet e Komisariatit të Policisë Nr. 4, në vijim të punës për kapjen e shtetasve në kërkim, bazuar në të dhënat për vendndodhjen e një shtetasi në kërkim, kanë organizuar punën për kapjen dhe vënien e tij përpara përgjegjësisë ligjore. Për këtë rast është finalizuar operacioni policor i koduar "Escape", si rezultat i të cilit, mbrëmjen e djeshme, në rrugën "5 Maji", është lokalizuar, kapur dhe vënë në pranga shtetasi:

Emiljano Nina, 28 vjeç, banues në Tiranë.

Ky shtetas, në muajin gusht të këtij viti, duke drejtuar një automjet tip "BMW", për shkak të shpejtësisë shumë të lartë, ka humbur kontrollin dhe për pasojë automjeti ka dalë nga rruga dhe është përplasur me bordurën anësore te Liqeni Artificial. Pas aksidentit, ky shtetas është larguar menjëherë nga vendi i ngjarjes.

Gjithashtu, ky shtetas ka qenë i shpallur në kërkim për veprën penale “Dhuna në familje”, pasi Gjykata e Shkallës së Parë e Juridiksionit të Përgjithshëm Tiranë e ka dënuar me 8 muaj burgim, për këtë vepër penale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA





Lajmet e fundit nga