web counter
LEXO PA REKLAMA!

SHKARKO APP

Joshko Çervenkovski paraqitet në SPAK/ Luftar Reçi e akuzoi për përfshirje në vrasjen e Vajdin Lamajt

11 Tetor 2023, 10:32, Kronika CNA

Joshko Çervenkovski paraqitet në SPAK/ Luftar Reçi e akuzoi

Joshko Çervenkovski është paraqitur këtë të mërkurë në SPAK.

Joshko Çervenkovski, sipas të penduarit të drejtësisë, Luftar Reçi, është personi që ka përgatitur bombën me të cilën u vra biznesmeni Vajdin Lamaj në vitin 2005.

Të hënën, Çervenkovski u ndalua në Rinas, ndërsa dje u paraqit në seancën ndaj Emiljano Shullazit dhe bandës së këtij të fundit.

Edhe më herët, SPAK kishte kërkuar përmes një letër-porosie që Çervenkovski të pyetej si dëshmitar.

Nëdrkohë, kujtojmë se për vrasjen e Vajdin Lamajt dhe Artan Arsinit janë në akuzë nga SPAK-u: Emiljano Shullazi, Lulzim Berisha, Plarent Dervishaj, Indrit Taulla, Luftar Reci dhe Viktor Ymeri (Imeraj).

Ngjarja u zbardh pas rihapjes së hetimeve nga dëshmia e të penduarit Luftar Reçi, përgjegjës për atentatin mafioz pranë stadiumit "Qemal Stafa" në Tiranë 18 vjet më parë./ CNA





Lajmet e fundit nga