web counter
LEXO PA REKLAMA!

SHKARKO APP

App Store
Google Play

E fundit!

x

Mashtruan 15 persona dhe përvetësuan 30 mijë euro/ Zbulohet mashtrimi kompjuterik i 3 të miturve

11 Tetor 2023, 09:22, Kronika CNA

Mashtruan 15 persona dhe përvetësuan 30 mijë euro/ Zbulohet

Specialistët e Sektorit për Hetimin e Krimeve Kibernetike në DVP Tiranë kanë konstatuar llogari të ndryshme me të dhëna të dyshuara të falsifikuara.

Gjatë monitorimeve të këtyre llogarive janë konstatuar publikime të ndryshme në të cilat premtoheshin favore seksuale kundrejt pagesave të ndryshme monetare.

Pas zbulimit të kësaj skeme mashtrimi kompjuterik, u identifikuan dhe proceduan penalisht tre persona të mitur të moshave 16 dhe 17 vjeç. 

3 autorët krijonin llogari me të dhëna të falsifikuara të shtetaseve të ndryshme, dhe me anë të postimeve në këto profile, premtoheshin favore seksuale kundrejt pagesave të ndryshme.

Administratorët e këtyre profileve, kërkonin nga të interesuarit që pagesa të kryhej në disa vendndodhje të përcaktuara prej tyre, i merrnin paratë pasi i orientonin të interesuarit për vendet ku duhej të lihej pagesa dhe më pas largoheshin duke i bllokuar personat në llogaritë e tyre, në rrjetet sociale ku komunikonin.

Në këtë mënyrë, ata mashtruan 150 persona dhe përvetësuan shumën rreth 30 000 euro.

DVP Tiranë fton qytetarët që nëse do të konstatojnë profile të tilla nëpër rrjete sociale, të paraqiten në Sektorin për Hetimin e Krimeve Kibernetike, në DVP Tiranë./ CNA





Lajmet e fundit nga