web counter
LEXO PA REKLAMA!

SHKARKO APP

App Store
Google Play

Sherri në Pogradec/ Arrestohen 3 persona, e pëson edhe i plagosuri

11 Tetor 2023, 14:32, Kronika CNA

Sherri në Pogradec/ Arrestohen 3 persona, e pëson edhe i plagosuri

Policia ka arrestuar 3 persona për konfliktin në zonën e ish-tregut në Pogradec, në të cilin u përfshinë katër të rinj.

Blutë bëjnë të ditur se ka vënë në pranga shtetasit me iniciale E. B., 28 vjeç, P. B., 20 vjeç dhe E. B., 25 vjeç (vëllezër), banues në Pogradec.

3 vëllezërit kanë goditur me grushte dhe me thikë 29-vjeçarin G. D., banues në Pogradec.

Fatmirësisht ky i fundit ndodhet jashtë rrezikut për jetën. Sipas policisë, sherri ka ndodhur për motive të dobëta.

I plagosuri është proceduar në gjendje të lirë së bashku me shtetasin Sh. T., 29 vjeç, pasi gjatë konfliktit edhe këta shtetas kanë goditur me grushte dhe me shkelma në trup, 2 vëllezërit më të vegjël në moshë të cilët kanë marrë dëmtime të lehta.

“Në vijim të informacionit paraprak të dhënë ditën e djeshme, për një konflikt të ndodhur në lagjen nr. 1, Pogradec, ku mbeti i dëmtuar me mjet prerës (thikë) një 29-vjeçar, ju informojmë se specialistët për Hetimin e Krimeve të Komisariatit të Policisë Pogradec arrestuan në flagrancë shtetasit E. B., 28 vjeç, P. B., 20 vjeç dhe E. B., 25 vjeç (vëllezër), banues në Pogradec, të cilët në bashkëpunim me njëri-tjetrin, për motive të dobëta, kanë goditur me grushte dhe me mjet prerës (thikë) shtetasin G. D., 29 vjeç, banues në Pogradec, i cili aktualisht ndodhet jashtë rrezikut për jetën. Gjithashtu, u referuan materialet në Prokurori, ku filloi procedimi në gjendje të lirë për 29-vjeçarin G. D. dhe për shtetasin Sh. T., 29 vjeç, banues në Pogradec, pasi gjatë konfliktit edhe këta shtetas kanë goditur me grushte dhe me shkelma në trup, 2 nga vëllezërit, shtetasin P. B. dhe 25-vjeçarin E. B., të cilët kanë marrë dëmtime të lehta. Në cilësinë e provës materiale u sekuestrua një mjet prerës thikë”, thuhet në njoftimin e policisë./ CNA





Lajmet e fundit nga