web counter
LEXO PA REKLAMA!

SHKARKO APP

App Store
Google Play

Vrau policin dhe djalin e tij në Fier/ 60-vjeçari i strehuar në Kanada, kërkon të mos ekstradohet

11 Tetor 2023, 11:23, Kronika CNA
Vrau policin dhe djalin e tij në Fier/ 60-vjeçari i strehuar në
Ëngjëll Brahimi

60-vjeçari shqiptar, Ëngjëll Brahimi, i cili u arrestua në janar të këtij viti në Kanada pasi ishte i dënuar me burgim të përjetshëm në Shqipëri për vrasjen e një oficeri policie, Astrit Braçe, dhe djalit të tij 8-vjeçar, 23 vite më parë në Fier, po kundërshton ekstradimin në vendin tonë.

Përmes avokatit të tij, Brahimi ka kërkuar sot nga autoritetet kanadeze që të mos ekstradohet në Shqipëri. 

Mediat e huaja raportojnë se avokati Andrew Barbacki ka vënë në dyshim mënyrën se si funksionon sistemi i drejtësisë në Shqipëri, duke kërkuar që të mos ekstradohet klienti tij. 

“Gjithçka që kemi është gruaja e viktimës, e cila bëri një deklaratë pesë muaj më vonë, që e identifikoi të dyshuarin. Ndërsa, sipas dëshmive, sulmuesit ishin të mbuluar me kapuça”, tha zoti Andrew Barbacki i mbrojtjes, këtë të martë, në gjykatën e Montrealit.

Ngjarja: 

Ngjarja e rëndë dyshohet se ka ndodhur për hakmarrje. Kjo sepse në vitin 1997, vëllai i Ëngjëll Brahimit, Iliriani, u vra në një shkëmbim zjarri me policinë, pasi dikush kishte hapur zjarr ndaj një ambulance. Astrit Braçe ishte një nga policët e pranishëm në momentin e vrasjes së vëllait të Brahimit.

Në 1999 ndaj Braçes u organizua një atentat, por rezultoi i dështuar. Por nuk përfundoi me kaq. 

Më 10 gusht 2000, Braçe me bashkëshorten, me djalin e tyre Asllanin, vajzën, mbesën dhe nipin po shkonin në plazh. Të gjithë po udhëtonin në mjetin "Mercedes-Benz" dhe kur po ktheheshin, makina është goditur me armë zjarri në fshatin Poro-Pishë ku humbi jetën efektivi dhe djali i tij 8-vjeçar. Nga hetimet rezultoi se autor i ngjarjes ishte Ëngjëll Brahimi./CNA





Lajmet e fundit nga