web counter
LEXO PA REKLAMA!

SHKARKO APP

App Store
Google Play

CNA raportoi ngjarjen/ Policia del me njoftimin zyrtar, arreston autorin e plagosjes te Pazari i Korçës

19 Tetor 2023, 11:00, Kronika CNA
CNA raportoi ngjarjen/ Policia del me njoftimin zyrtar, arreston autorin e
Foto ilustruese

Pak minuta pasi CNA raportoi ngjarjen e ndodhur te Pazari i Korçës ku shtetasi Jonis Mazllëmi ka sulmuar gruan dhe një kalimtar të rastit që po përpiqej të ndalonte sherrin, policia e Korçës ka dalë me versionin zyrtar të ngjarjes.

Policia ka kapur dhe ka shoqëruar autorin e plagosjes shtetasin J. M., 36 vjeç.

Sipas policisë shtetasi J. M., 36 vjeç, banues në Korçë, ka dëmtuar me mjet të mprehtë, shtetasen A. M., 52 vjeçe dhe shtetasin V. Sh., 60 vjeç, në momentin kur ky i fundit ka ndërhyrë për të neutralizuar situatën, të cilët u dërguan për mjekim në spitalin e Korçës, ku ndodhen jashtë rrezikut për jetën.

Polica bën me dije se dyshohet se agresori vuan nga probleme të shëndetit mendor.

“Më datë 19.10.2023, rreth orës 10:00, në lagjen nr. 8, në zonën e Pazarit, Korçë, shtetasi J. M., 36 vjeç, banues në Korçë, ka dëmtuar me mjet të mprehtë, shtetasen A. M., 52 vjeçe dhe shtetasin V. Sh., 60 vjeç, në momentin kur ky i fundit ka ndërhyrë për të neutralizuar situatën, të cilët u dërguan për mjekim në spitalin e Korçës, ku ndodhen jashtë rrezikut për jetën.

Nga të dhënat e para dyshohet se autori i ngjarjes, vuan nga probleme të shëndetit mendor. 36-vjeçari menjëherë u kap nga shërbimet e Policisë dhe aktualisht ndodhet i shoqëruar në ambientet e Komisariatit për veprime të mëtejshme”, thuhet në njoftim./ CNA

 

 





Lajmet e fundit nga