web counter
LEXO PA REKLAMA!

SHKARKO APP

App Store
Google Play

E fundit!

x

13 kilogramë kanabis në proces tharje, arrestohet 29-vjeçari i shpallur në kërkim

21 Tetor 2023, 12:38, Kronika CNA

13 kilogramë kanabis në proces tharje, arrestohet 29-vjeçari i

Policia ka arrestuar në Malësinë e Madhe 29-vjeçarin me iniciale A.V, i cili kishte përshtatur një ambient, në afërsi të banesës së tij, për tharjen e bimëve narkotike.

Gjatë operacionit të zhvilluar një ditë më parë u sekuestruan 13 kilogramë kanabis, e cila ishte në proces tharje.

Më herët policia ka arrestuar edhe bashkëshorten e 29-vjeçarit. 

Njoftimi i Policisë:

Kishte përshtatur një ambient, në afërsi të banesës së tij, për tharjen e bimëve narkotike, kapet dhe vihet në pranga 29-vjeçari i shpallur në kërkim ditën e djeshme. Dje, gjatë operacionit, u arrestua bashkëshortja e 29-vjeçarit dhe u sekuestruan 13 kg cannabis sativa, në trajta të ndryshme, në proces tharjeje.

Si rezultat i veprimeve të shpejta operacionale, me qëllim ndalimin e shtetasit të shpallur në kërkim më datë 20.10.2023, në kuadër të operacionit policor anticannabis, të koduar “Bratosh”, specialistët për Hetimin e Krimeve të Komisariatit të Policisë Malësi e Madhe kapën dhe ndaluan shtetasin A. V., 29 vjeç.

29-vjeçari dhe bashkëshortja e tij, e arrestuar ditën e djeshme, gjatë operacionit “Bratosh”, kishin përshtatur një ambient, në afërsi të banesës së tyre, për tharjen e bimëve narkotike cannabis sativa. Shërbimet e Policisë sekuestruan nga ky ambient, 13 kg bimë/lëndë të dyshuar narkotike cannabis sativa, në trajta të ndryshme, në proces tharjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./CNA





Lajmet e fundit nga