web counter
LEXO PA REKLAMA!

SHKARKO APP

App Store
Google Play

Bilanci javor/ Ndëshkohen 6675 shoferë të pabindur, në pranga 9 persona

25 Tetor 2023, 08:54, Kronika CNA

Bilanci javor/ Ndëshkohen 6675 shoferë të pabindur, në

Policia Rrugore e Tiranës ka nxjerrë bilancin e javës përsa i përket masave që janë marrë ndaj shoferëve “të pabindur” që nuk respektojnë rregullat e qarkullimit rrugor.

Gjatë javës që lamë pas janë arrestuar 9 persona për shkelje të ndryshme.

Konkretisht 9 shoferët janë vënë në pranga për:

- Drejtim automjeti në gjendje të dehur apo në efektin e lëndëve narkotike;

- Shkelje të rregullave të ndryshme të qarkullimit rrugor.

Gjithashtu, janë vënë 6675 masa administrative, disa prej të cilave janë:

- 356 për shpejtësi mbi normat e lejuara;

- 59 për përdorim të celularit gjatë drejtimit të mjetit;

- 6 për përdorim të xhamave të errësuar;

- 62 për mosdhënie përparësi këmbësorëve në vijat e bardha;

- 82 për mosvënie të rripit të sigurimit nga drejtuesit e automjeteve;

- 33 për mosvendosje të kaskës mbrojtëse nga drejtuesit e motomjeteve;

- 145 për parakalime të gabuara;

- 5314 për parkime të gabuara.

Blutë bëjnë me dije se janë bllokuar 6 automjete për detyrime të pashlyera, mungesë dokumentacioni dhe verifikime nga Seksioni i Trafiqeve të Paligjshme në DVP Tiranë./ CNA





Lajmet e fundit nga