web counter
LEXO PA REKLAMA!

SHKARKO APP

App Store
Google Play

E fundit!

x

Kërcënoi gazetaren për raportimin e një lajmi/ Procedohet pronari i televizionit në Vlorë

25 Tetor 2023, 07:59, Kronika CNA
Kërcënoi gazetaren për raportimin e një lajmi/ Procedohet
Gazetarja Afrovita Hysaj

Gazetarja Afrovita Hysaj raportoi fshehjen e një prej autorëve të abuzimit seksual të një 26-vjeçareje në Vlorë.

Ndryshe nga policia e cila raportoi për 3 autorë, Hysaj tha se në këtë ngjarje është përfshirë edhe një person i katërt, i cili ishte djali i një drejtuesit të televizionit lokal “6+1 Vlora”.

Pas këtij raportimi gazetarja mori një mesazh kërcënues nga pronari i televizionit lokal, ndërsa “6+1 Vlora” publikoi një artikull ku gazetaren e etiketonte me termin e rëndë “Prosti”.

Afrovita Hysaj ka kallëzuar në policinë e Vlorës drejtuesin e televizionit me iniciale A. D. dhe blutë e kanë proceduar penalisht.

Gjithashtu, policia deklaron se personi i katërt nuk ka qenë i përfshirë në aktin e abuzimit seksual, por ka nxitur 3 të tjerët që t'i japin lëndë narkotike 26-vjeçares.

“Specialistët për Hetimin e Krimeve në Komisariatin e Policisë Vlorë kanë referuar materialet në Prokurori dhe u procedua në gjëndje të lirë, për veprën penale “Kanosja”, shtetasi A. D., 57 vjeç, banues në Vlorë pasi:

Shtetasja A. H., 34 vjeçe, banuese në Vlorë, me profesion gazetare, ka kallëzuar se është kanosur me fjalë nëpërmjet telefonit, nga ky shtetas, për shkak të një lajmi që ajo ka publikuar, lidhur me rastin e 26-vjeçares nga qyteti i Vlorës, e cila dyshohet se është nxitur të përdorte lëndë narkotike nga disa shtetas, 3 prej të cilëve më pas dyshohen se kanë kryer marrëdhënie seksuale me dhunë me të.

Gjithashtu në vijim të njoftimit të dhënë më datë 22.10.2023, për vënien në pranga të 2 shtetasve dhe shpalljen në kërkim të një shtetasi tjetër, të cilët dyshohen se në bashkëpunim me njëri-tjetrin, kanë kryer marrëdhënie seksuale me dhunë me një 26-vjeçare, të cilën paraprakisht e kanë nxitur të përdorë lëndë narkotike, sqarojmë se:

Specialistët për Hetimin e Krimeve të Komisariatit të Policisë Vlorë, në drejtimin e Prokurorisë, kanë vijuar hetimet e thelluara për këtë rast.

Në vijim, janë referuar materialet në Prokurori, për veprën penale “Nxitja për përdorimin e drogës”, edhe për shtetasin V. K., 36 vjeç, banues në Vlorë, dhe vijon puna për kapjen e tij.

Ky shtetas dyshohet se ka bashkëpunuar me shtetasit O. T., A. C. dhe G. M., për të nxitur 26-vjeçaren që të konsumojë lëndë narkotike.

Materialet iu referuan Prokurorisë, për veprime të mëtejshme”, thuhet në njoftimin e policisë./ CNA





Lajmet e fundit nga